Ky është momenti i dhimbshëm kur një baba në prag të vdekjes shoqëron vajzën e tij në altar ndërsa ishte i shtrirë në një barelë. Pedro Villarin, 65 vjeç vuante nga kanceri i mëlçisë dhe ishte dëshira e tij ne fundit të shoqëronte vajzën e tij, Charlotte Villarin, në altar.
Çifti përshpejtoi dasmën me dy muaj kur shëndeti i Pedros filloi të përkeqësohej.
Ai ishte shtruar në spital pasi vuante nga kanceri prej një viti, kështu që familja e tij punësoi një ambulancë dhe një infermiere private që ai të ishte i pranishëm në ceremoni në qytetin La Pinas, Filipine.
Plani ishte që Pedro Villarin të shoqëronte vajzën e tij në karrige me rrota, por ai ishte shumë i sëmurë, kështu që ata përdorën barelën e ambulancës.
Pas kësaj, ai vdiq më 12 gusht, tre ditë pas ceremonisë.
Të afërmit dhe organizatorët e dasmës ndihmuan për të tërhequr barelën drejt altarit, ndërsa Pedro mbante vajzën e tij për dore.
“Ky ishte një moment vërtet emocionues”, tha Charlotte. “Ishte dëshira e babait tim të më shihte të martuar dhe jam shumë e lumtur që ia realizova”.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
