Nëse asnjëherë nuk jua ka thyer ndokush zemrën, atëherë mund ta konsideroni veten si një prej njerëzve më me fat në planet. Ndarjet e këqija zakonisht lënë plagë të thella emocionale të cilat janë të vështira për t’u shëruar, ndërkaq shkencëtarët faktikisht pajtohen se koncepti i thyerjes së zemrës ekziston dhe ka efekte fizike në trup.
Shumica e njerëzve njohin dhimbjen që shkakton një ndarje, ku shumica prej tyre më parë do të pranonin të thyenin dorën sesa zemrën!
Ekspertët shëndetësorë tregojnë se në sindromën e zemrës së thyer, një pjesë e zemrës përkohësisht zmadhohet dhe nuk pompon mirë, ndërsa pjesa tjetër e zemrës funksionon normalisht ose me kontraksione më të fuqishme. Sindroma e zemrës së thyer mund të çojë edhe në dështim afatshkurtër të muskujve të zemrës.
Fatmirësisht shkencëtarët më në fund kanë ofruar disa përgjigje të cilat do të ndihmojnë njerëzit që e kanë zemrën e thyer. Ja çfarë i ndodh trupit kur dikush jua thyen zemrën:
– Shumica e njerëzve përjetojnë dhimbje fizike pas thyerjes së zemrës, dhe shkenca e mbështet këtë pohim. Dhimbja emocionale faktikisht ndikon në shëndetin fizik. Mendja është organ shumë i fuqishëm dhe zemra e thyer është emocion shumë i fuqishëm. Kur kombinohen këto dyja, padyshim që prodhojnë reaksion fizik. Për t’i lehtësuar dhimbjet, bëni aktivitete fizike të cilat ndihmojnë në lirimin e dhimbjes emocionale.
– Fundi i papritur i një lidhje shpeshherë shkakton edhe depresion. Nëse jeni në rrethana të tilla, gjeni dikë që ju qëndron afër, ju mbështet dhe me të cilin/cilën mund t’i diskutoni gjërat dhe të shmangni depresionin.
– Thyerja e zemrës mund të lë efekte afatgjate edhe në peshë trupore. Shumica e njerëzve ballafaqohen me pikëllimin duke e tepruar me ngrënie të ushqimit, ndonëse ka të tjerë që e humbasin oreksin. Prandaj, sigurohuni që ta parandaloni ngrënien e tepërt dhe shtimin në peshë.
– Thyerja e zemrës dobëson edhe sistemin imunitar për shkak të niveleve të larta të stresit.
– Nivelet e larta të stresit shkaktojnë edhe probleme në lëkurë për shkak të mos balancimit hormonal.
– Shumica e njerëzve, pas ndarjes kanë probleme edhe me gjumin, përsëri për shkak të niveleve të larta të stresit.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
