Zemërimi nuk është vetëm të bërtasësh dhe të jesh në humor të keq. Ekzistojnë tri lloje zemërimi. Dhe secila prej tyre ka simptomat e veta, të cilat përfshijnë, për shembull, fajësimin e vetes, të qarat pa shkak dhe shumë të tjera.
Prandaj, zemërimi nuk është aq i thjeshtë sa mund të duket. Dhe ndikimi i tij tek ne mund të jetë shumë serioz tek shëndeti ynë. Një nga efektet anësore është shtimi i tepërt i peshës.
Ne të gjithë mund të zemërohemi herë pas here. Por të qenit vazhdimisht në këtë gjendje mund të jetë e dëmshme për peshën tuaj. “Bright Side” tregon pse duhet të kontrolloni zemërimin tuaj.
E gjitha fillon me adrenalinë
Zemërimi shfaqet jo vetëm në gjendjen tonë emocionale, por edhe në proceset kimike të trupit tonë. Kur zemërohemi, adrenalina shfaqet. Ajo shërben për të na bërë gati për të ” luftuar ose për të ikur “. Na shkakton ankth.
Për shkak të rrjedhjes së gjakut nga organet e brendshme në muskuj, ne nuk mund të ndihemi të uritur ndërsa jemi të zemëruar. Por kjo ka vetëm një efekt afatshkurtër.
Pasi të ulet niveli i adrenalinës, ne ndiejmë nevojën për të rimbushur energjinë e humbur dhe fillojmë të hamë ushqim. Por për shkak të faktit se jemi në ankth, kjo mund të na bëjë të ushqehemi pa mend. Kjo do të thotë që ne mund të hamë diçka që nuk është e mirë për ne, që do të na sjellë gëzim dhe rehati, pa marrë parasysh nëse është e shëndetshme apo jo.
Çfarë mund të bëni:
Mundohuni të mos hani për të përballuar stresin. Ndiqni dietën dhe ndaloni sa herë që e kuptoni se jeni të ngopur. Kjo do t’ju ndihmojë të parandaloni shtimin në peshë.
Ankthi është një arsye tjetër që nxit stresin
Ankthi rrit stresin. Për shkak të kësaj, niveli i hormonit kortizol rritet. Përveçse është e dëmshme për zemrën dhe presionin e gjakut, ajo ndikon edhe në peshën tonë. Kortizoli shndërron sheqerin në gjak në yndyrë dhe pengon tretjen. Dhe si rezultat, shkakton shtim në peshë dhe formon yndyrë që mund të jetë e dëmshme për shëndetin.
Çfarë mund të bëni:
Mundohuni të kontrolloni emocionet negative. Shkoni në palestër, bëni stërvitje ose një shëtitje në park. Kjo do t’ju ndihmojë të ndryshoni gjendjen emocionale.
Ne humbasim kontrollin e oreksit
Stresi nga ana tjetër shkakton probleme me gjumin. Kur nuk flemë mjaftueshëm, nuk kemi energji. Dhe kemi më shumë gjasa të furnizohemi me energji me karbohidrate, të cilat gjenden në pije të ëmbla, karamele dhe ushqime të tjera jo të shëndetshme. Në të njëjtën kohë, është më e vështirë për ne të kontrollojmë veten. Mungesa e gjumit prish funksionimin e hormoneve që kontrollojnë oreksin.
Çfarë mund të bëni:
Gjeni një mënyrë për të rivendosur harmoninë në jetën tuaj. Kjo mund të përfshijë leximin, takimin me miqtë, bërjen e gjërave të preferuara, ose diçka tjetër që ju sjell kënaqësi dhe paqe.
Burimi / PanoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
