Flokët e bardhë shfaqen për shkak të disa qelizave burimore, të cilat ndalojnë së funksionuari siç duhet me kalimin e kohës: ky zbulim mund të jetë i dobishëm për trajtimin e flokëve të thinjur, por vetëm.
Një studim i publikuar në Nature dhe i kryer te minjtë duket se ka zbuluar arsyen shkencore pas thinjave që shfaqen me moshën: faji do të ishte i një lloj i veçantë qelizash burimore që prodhojnë melatoninë, të cilat me kalimin e kohës do të humbnin aftësinë për të funksionuar siç duhet. Nëse konfirmohen, këto gjetje do të kishin gjithashtu implikime të rëndësishme për zhvillimin e trajtimeve për humbjen e ngjyrës së flokut tek njeriu.
Ndryshe nga qelizat burimore embrionale, të cilat janë të afta të zhvillohen në organe të ndryshme, qelizat burimore të rritura kanë një rrugë më të përcaktuar: qelizat burimore të melanociteve (McSCs) që gjenden në folikulat e flokëve janë përgjegjëse për prodhimin dhe mirëmbajtjen e pigmentit të flokëve. Çdo folikul mban disa McSC të pazhvilluara, të gatshme për t’u aktivizuar kur është e nevojshme falë ndërhyrjes së proteinave, të cilat i shtyjnë ato të zhvillohen dhe t’i japin ngjyrë flokëve.
A mund të kthehen thinjat në ngjyrën e tyre origjinale?
Studiuesit kanë identifikuar një sjellje të re të këtyre qelizave burimore, të cilat do të udhëtonin përpara dhe mbrapa në gjëndrën e flokëve, duke kaluar nga gjendja e pazhvilluar, në atë të zhvilluar të prodhimit të pigmentit dhe përsëri në atë të pazhvilluar.
Me kalimin e kohës, qelizat nuk janë më në gjendje të bëjnë këtë udhëtim të vazhdueshëm përpara dhe mbrapa, dhe ndalojnë së lëvizuri dhe marrin sinjale për të prodhuar pigment nga proteinat: që nga ai moment, qimet e reja nuk kanë më sasinë e duhur të melaninës dhe ato zbardhen.
Për të studiuar më tej këtë efekt, studiuesit përshpejtuan rritjen e flokëve te minjtë, duke simuluar “plakjen e detyruar”: rezultatet kishin një rritje në McSC-të e heshtura, të paafta për të prodhuar ngjyrë.
Pse stresi shkakton thinja?
Edhe pse studimi u krye tek minjtë, ajo që u zbulua është e rëndësishme për të kuptuar më shumë dhe për të parandaluar procesin e plakjes dhe thinjen e flokëve të njeriut. Përveç kësaj, biologia Melissa Harris (Universiteti i Alabama, Birmingham) thekson, “studimi i sjelljeve të qelizave staminale mund t’i ndihmojë studiuesit të kuptojnë më mirë aspekte të tjera të rëndësishme, si kanceri dhe rigjenerimi i qelizave”.
Burimi Focus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
