Dhënia dhe marrja e dhuratave është një traditë e vjetër, sidomos gjatë festave të fundvitit. Dhe nuk ka ndjenjë më të mirë sesa të shohësh sytë e njerëzve të dashur të ndizen nga kënaqësia, kur kemi gjetur dhuratën e përsosur për ta.
Por pse dhënia e dhuratave na bën të lumtur?
Bujaria është si një shpërblim për trurin, e cila shkakton lirimin e dopaminës dhe endorfinës. Këto hormone reduktojnë stresin dhe rrisin dëshirën tuaj për të përsëritur këto akte mirësie.
Ne japim, sepse kjo na bën të ndjehemi mirë kur shohim të tjerët të lumtur, japim sepse kemi kujdes për mirëqenien e dikujt, apo për mirëqenien e komunitetit. Dhënia është një akt social, që na lidh së bashku, për të mirën tonë të përbashkët.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
