Ka shumë konfuzion mbi këtë temë, gjithashtu edhe për fajin e ne gazetarëve. Por siç i kujton Adnkronos Matteo Bassetti, qëllimi kryesor i imunizimit është ulja e sëmundjeve dhe shtrimet në spital, jo parandalimi i qarkullimit të virusit.
A mund të rezultoni pozitiv me koronavirus edhe pas marrjes së vaksinës? Përgjigja është po, por kjo nuk duhet të na alarmojë. Kur flasim për vaksinat, Matteo Bassetti, specialist i sëmundjeve infektive në San Martino di Genova shpjegon për Adnkronos, “nuk duhet të shkojmë dhe të shikojmë se kush vaksinohet dhe pastaj të infektohet përsëri, por sa prej atyre të imunizuar përfundojnë në reanimacion dhe vdesin, sepse ky është qëllimi i imunizimit dhe jo fakti që virusi nuk qarkullon”.
Në të vërtetë ka shumë konfuzion në këtë temë. Është gjithashtu faji i ne gazetarëve që me sa duket nuk e kemi ekspozuar çështjen qartë.
Nëse një vaksinë ka një efikasitet të vlerësuar prej 70%, kjo do të thotë që gjatë provave klinike, një vërejtje prej 70% e rasteve të sëmundjes është vërejtur në grupin e vaksinuar krahasuar me grupin e placebo.
Qëllimi i provave është që të demonstrojnë se vaksinat mbrojnë nga sëmundja dhe jo nga ngjitja asimptomatike nga Sars-Cov-2.
Rezultatet e një studimi paraprak të kryer në Izrael në të vërtetë duket se sugjerojnë që ilaçi Pfizer-BioNTech është gjithashtu 90% efektiv në parandalimin e infeksionit, por për çështjen e transmetimit të virusit midis subjekteve të vaksinuar, debati është ende i hapur, megjithëse disa virologë – përfshirë Roberto Burionin – u shprehën me njëfarë optimizmi.
Duhet gjithashtu të mbahet mend se as vaksinat që janë provuar të jenë më efektive si Pfizer dhe Moderna nuk ofrojnë mbrojtje 100% ndaj sëmundjes: që do të thotë se një përqindje e vogël e vaksinuar përveçse testimit pozitiv mund të zhvillojnë edhe simptomat e Covid- 19, edhe pse në një formë të lehtë.
Në qendrën e të moshuarve ASL Toscana Sud Est është bërë të ditur se të moshuarit janë të gjithë asimptomatikë dhe kishin marrë dozën e dytë të vaksinës 35 ditë më parë. Tamponët u dërguan në laborator për të parë nëse ka ndonjë rast variantesh mes pozitivëve. Elementi i parë që duhet theksuar – komentoi Danilo Taçoni, drejtor i sëmundjeve infektive në spitalin San Donato në Arezzo – është se këta pozitivë janë asimptomatikë. Kjo konfirmon se në raste të caktuara ata që kanë përfunduar vaksinimin mund ta marrin infeksionin, por janë të mbrojtur nga sëmundja. Mundësia e infeksionit është më e fortë në rastin e një varianti sesa ai i llojit të parë që regjistruam. “
Është e qartë se vaksinimi – shtoi Tacconi – nuk duhet absolutisht të çojë në braktisjen e masave parandaluese. Në rastin e vaksinës Pfizer, ajo e administruar për të moshuarit e RSA, mbrojtja shkaktohet 15 ditë nga doza e dytë dhe është nga sëmundja, veçanërisht nga efektet më serioze të saj: nuk është rastësi që të moshuarit e Pratoveçhio Stia RSA janë asimptomatikë.
Një element tjetër që duhet t’i shtyjë të gjithë të vazhdojnë të zbatojnë rregullat e parandalimit është që të vaksinuarit që kontraktojnë infeksionin mund ta transmetojnë atë qartë tek të tjerët”. Prandaj vaksina nuk është një “pasaportë” për të lënë pas kujdes dhe parandalim, shpjegoi specialisti i sëmundjes infektive, por një mjet i domosdoshëm për të shmangur sëmundjen.
Me pak fjalë, fakti i vërtetë që duhet të mbajmë nën vëzhgim është se sa njerëz përfundojnë në spital, pikërisht sepse nevoja është që “të zvogëlohen pranimet dhe shtrimet në spital”. Për më tepër, Bassetti thekson, “ne nuk jemi të gjithë njësoj, ka nga ata që reagojnë më mirë dhe më keq ndaj vaksinës. Do të ishte e nevojshme të dihet koha e kaluar ndërmjet dozës së parë dhe të dytë. Shpresoj që farmakovigjilenca të ngrejë në këmbë vaksinën Covid dhe të na informojë për këto ngjarje, të na thotë se sa mënyra ka që të kuptohet fenomeni”.
(Më poshtë është një tabelë që përmbledh karakteristikat e vaksinave në treg. Pothuajse të gjitha barnat anti-Covid kanë një efikasitet afër 100% në parandalimin e formave të rënda të Covid-19).
Përgatiti Orjona Tresa / Burimi Today.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
