Përdorimi i vajit të ullirit ose lulediellit në lëkurën e foshnjave të porsalindura ‘mund të bëjë më shumë dëm sesa dobi.
Sipas një studimi të ri, ulliri ose vaji i lulediellit në lëkurën e të porsalindurit mund të vonojë zhvillimin e barrierës mbrojtëse të lëkurës, që parandalon humbjen e ujit dhe mbrojtjen nga alergji e infeksione.
Deri më tani ka pasur shumë pak studime për efektet e këtyre vajrave, pavarësisht nga ndryshimet në kujdesin për lëkurën e fëmijës, të cilat janë të lidhura me një rritje dramatike të ekzemës gjatë dekadave të fundit: nga 5 për qind e fëmijëve të moshës 2 deri në 15 vjeç në vitin 1940, në rreth 30 për qind sot.
Sipas Alison Cooke, pedagoge, e cila udhëhoqi studimin “vaji pengon pengon zhvillimin e mureve mbrojtëse të lëkurës dhe kjo mund të lidhet me zhvillimin e kushteve të tilla si ekzema. Ne duhet të bëjmë më shumë kërkime për këtë çështje me vajra të ndryshme dhe gjithashtu të studiojmë lidhjet e mundshme me ekzemën,” tha Cooke.
Por ajo që është e qartë është se, këshilla e tanishme që u jepet prindërve është shmangia e këtyre dy vajrave në lëkurën e foshnjave të porsalindura.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
