A punoni më shumë se 25 orë në javë? Pra, po i bëni më shumë dëm trurit tuaj sesa mirë dhe nëse punoni më shumë se 60 orë në javë, truri juaj bëhet më keq sesa të mos punojë aspak. Këto janë rezultatet e një studimi nga Instituti i Kërkimeve Ekonomike dhe Shoqërore në Melbourne për 6,500 Australianë të moshës 40 vjeç e lart.
Hulumtuesit kanë përdorur të dhëna të anketimit afatgjatë për lloje të ndryshme punësh që variojnë nga punët e brendshme tek punët më dinamike, për të konstatuar se koha e kaluar në punë ndikon në funksionimin njohës të njerëzve të moshës së mesme dhe atyre të moshuar. Kishte një lidhje mes numrit të orëve të punës dhe rezultateve të testimit të memories, aftësive gjuhësore, përqendrimit dhe shpejtësisë së përpunimit të informacionit.
Ata zbuluan se funksioni njohës rritet vazhdimisht për çdo orë pune deri në 25 orë në javë. Për çdo orë më shumë, funksioni njohës zvogëlohej vazhdimisht. Herald Colin McKenzie i Universitetit Japonez të Keio tha: “Fillimisht puna duket se stimulon qelizat e trurit. Megjithatë, në një pikë të caktuar vjen në lojë stresi i lidhur me punën fizike dhe mendore, i cili fillon të balancojë përfitimet e punës. Duke punuar shumë nga pikëpamja e funksioneve njohëse është më keq se të mos punosh aspak”.
Profesori McKenzie ishte i befasuar që numri i orëve të punës optimale për funksionin njohës ishte aq i qartë. “Shumica e njerëzve punojnë me kohë të plotë në Australi dhe punojnë shumë më tepër se sa numri i orëve të punës maksimale”. Afërsisht 8.2 milionë australianë punojnë me kohë të plotë dhe 3.8 milionë të tjerë punojnë me kohë të pjesshme, sipas shifrave të fundit nga Byroja Australiane e Statistikave. Shumica e punonjësve me kohë të plotë punojnë më shumë se 40 orë në javë. Njerëzit që punojnë në miniera, ndërtim dhe bujqësi kanë më tepër gjasa të kalojnë më shumë se 50 orë në javë duke punuar.
Por truri i tyre mund të jetë më keq se ai që nuk punon aspak. Studimi zbuloi se njerëzit që punonin shumë gjatë, kishin një funksion më të keq mendor sesa ata që nuk punonin. Profesor McKenzie tha se kjo është për shkak të stresit fizik dhe psikologjik të lidhur me punën e zgjatur: “Për funksionimin kognitiv, puna e tepërt është më keq sesa të mos punosh fare”, tha ai.
“Në fillim puna stimulon qelizat e trurit, atëherë stresi që lidhet me punën fizike dhe mendore fillon të të godasë.”Megjithatë, profesor McKenzie dyshon se puna për orë të gjata nuk është aq e keqe për njerëzit nën 40 vjeç”.
“Hipoteza ime personale është se funksioni i rikuperimit të trurit tek të rinjtë është pak më ndryshe. Të rinjtë janë më fleksibël për të punuar vazhdimisht për shumë orë, duke pasur parasysh se shpesh nën moshën 40 vjeç ne gjejmë punëtorë të rinj që duhet të kujdesen për fëmijët e tyre dhe për këtë arsye duhet të luajnë një rol themelor brenda shoqërisë”- tha ai.
Burimi / news.fidelityhouse.eu
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
