Njerëzit që ankohen gjatë gjithë kohës mund të thithin plotësisht energjinë tonë. Problemet janë pjesë e jetës sonë, ato ndodhin me miqtë tanë, të dashurit dhe madje edhe njerëzit që i konsiderojmë shumë me fat.
Çdo ditë njerëzit përreth nesh ekspozojnë ankesat e tyre për diçka apo dikë. Kjo është e natyrshme, ata po kërkojnë një mënyrë për të lehtësuar tensionin. Sidoqoftë, nëse jetojmë gjatë gjithë kohës me njerëz që vjedhin vetëm energjitë tona, ne do të përfundojmë plotësisht të rraskapitur. Të kesh shqetësime është pozitive dhe e shëndetshme, pasi u tregon të tjerëve se ne kujdesemi për lumturinë e tyre.
Sidoqoftë, duhet të mendojmë edhe për veten tonë, pasi bashkëjetesa me negativitetin mund të përfundojë duke na dëmtuar. Gjetja e kufijve nuk është e lehtë. Ne nuk duam që njerëzit për të cilët interesohemi të na shohin si qenie të pandjeshme dhe egoiste. Prandaj, për të shmangur konfliktet, është jashtëzakonisht e rëndësishme të jemi në gjendje të identifikojmë situatat toksike, të kuptojmë se si ato mund të ndikojnë në jetën tonë dhe të dimë se si t’i menaxhojmë ato në mënyrën e duhur.
Pse është thelbësore të shmangni ankesat?
Shumicën e kohës, njerëzit që ankohen vazhdimisht, e shohin veten si viktima të çdo situate dhe kurrë nuk veprojnë në përpjekje për të ndryshuar jetën e tyre. Shpeshherë ne ndjehemi të trishtuar për fatkeqësitë e personit tjetër dhe gjejmë shumë mënyra për t’i ndihmuar ata të kapërcejnë vështirësitë e tyre. Sidoqoftë, me kalimin e kohës ne shohim që problemi nuk është në pjesën tjetër të botës, por te personi. Njerëzit të cilët janë të varur nga ankimi kanë aftësinë të krijojnë ndjenjën e keqardhjes për të tjerët, të cilët shpesh fillojnë të merren me problemet e “ankuesve” sikur të ishin të tyret.
Përveç vjedhjes së energjisë nga këta njerëz, ata ndryshojnë qëndrimin tonë. Në këtë mënyrë sukseset dhe lumturia jonë fillojnë të varen nga mënyra se si miqtë “ankohen”.
Ndjenjat si zhgënjimi, faji dhe trishtimi fillojnë të jenë të pranishme në jetën e këtyre njerëzve, duke shkaktuar ndryshime hormonale në tru që shkaktojnë pasoja negative, siç janë:
Pabarazia emocionale
Vështirësi në zgjidhjen e problemeve të dikujt
Përkeqësim i përqendrimit
Mendime negative
Nëse e shihni që përpjekjet tuaja për t’i ndihmuar ata nuk funksionojnë, gjëja më e mirë që mund të bëni është të largoheni prej tyre dhe të përqendroheni në suksesin tuaj.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
