Ushqimi i duhur dhe stili i përshtatshëm i jetesës janë thelbësorë për të siguruar një zhvillim të shëndetshëm për fëmijën. Kjo është arsyeja pse është e rëndësishme që fëmijët të kenë një dietë të ekuilibruar që siguron furnizimin e të gjithë makro dhe mikro-ushqyesve të domosdoshëm për rritjen (përfshirë vitaminat). Kur kjo nuk ndodh, mund të ketë mungesë të vitaminës B dhe pediatri duhet të sugjerojë shtesa të mundshme.
Rëndësia e vitaminës B
Vitaminat e grupit B kryejnë shumë funksione thelbësore për trupin dhe janë esenciale për zhvillimin e të gjitha organeve dhe sistemeve, veçanërisht sistemit nervor. Trupi nuk mund t’i sintetizojë në mënyrë të pavarur në sasi të konsiderueshme, prandaj nëse marrja e tyre nuk është në mënyrën e duhur, mund të keni mungesë të vitaminës B.
Pesë kushte rreziku kur duhen marrë shtojca të vitaminës B
- Në dieta të pabalancuara kur disa kategori ushqimesh nuk merren për shkak të alergjive ose intolerancës.
- Në rast të infeksioneve respiratore të përsëritura tek fëmijët, pasi ato ndihmojnë aktivitetin e sistemit imunitar.
- Në rast të problemeve të zorrëve të lidhura me përbërjen e mikrobiotikës së zorrëve.
- Në rastin e harxhimit të shumë energjive, si disa sporte intensive.
- Në rastin e fëmijëve obezë, plotësimi i kompleksit të vitaminës B mund të përmirësojë efikasitetin e proceseve metabolike.
Megjithatë është mjeku ai që duhet të sugjerojë shtojcën e kësaj vitamine.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
