Edukimi ndërkulturor ka të bëjë me mënyrën e ndërveprimit dhe bashkëveprimit me kulturat e tjera. Edukimi ndërkulturor është sot një nga mënyrat më të mira në dispozicionin tonë për të na ndihmuar të përfitojmë mundësi që na ofrohen nga shoqëritë shumë kulturore.
Objektivat e edukimit ndërkulturor janë shumëdimensionale, krijimi i lidhjeve të përbashkëta mes shoqërive të ndryshme dhe grupeve kulturore, përpjekja për të njohur individët që u përkasin kulturave të ndryshme dhe për të krijuar respekt ndaj tyre.
Edukimi ndërkulturor nënkupton respektimin e diversiteteve në procesin e edukimit. Kjo në fokus ka edhe edukimin dhe arsimimin e të gjithë njerëzve pa dallim race, feje, zakoni, gjuhe, traditash dhe pa dallim në ngecjet në zhvillimin individual. Gjithashtu është një mundësi për të arritur qëndrime transformuese nga shkolla në një mjedis bashkëjetese në bashkëpunim, tolerancë dhe respekt për diversitetin. Kjo është një qasje pedagogjike që në përgjigje të nevojave dhe dinamikave sociale, ka si premisë respektin dhe vlerësimin e pluralizmit kulturor.
Edukimi dhe arsimi ndërkulturor formon dhe edukon aftësitë për të kuptuar dhe respektuar diversitetin kulturor.
Emërtimi i edukimit dhe arsimit ndërkulturor aludon për një tendencë reformuese në praktikë edukative, dhe me qëllime të ndryshme, me të cilat përpiqet t’i përgjigjet diversitetit të shkaktuar nga konfrontimi dhe bashkëjetesa e grupeve të ndryshme etnike dhe kulturore brenda një shoqërie të caktuar.
Çfarë është bashkëjetesa ndërkulturore në kontekstin arsimor?
Bashkëjetesa ndërkulturore promovon dhe favorizon dinamikën e gjithëpërfshirjes. Edukimi ndërkulturor është një alternativë që promovon dhe favorizon dinamikën gjithëpërfshirëse në të gjitha proceset e socializimit, të të mësuarit dhe bashkëjetesën brenda mjedisit arsimor, si dhe të kuptuarit e diversitetit kulturor.
Cila është rëndësia e edukimit ndërkulturor?
Kuptimi i rëndësisë së bashkëjetesës ndërkulturore është thelbësore për të arritur objektivat në arsimin gjithëpërfshirës, dhe kërkon të zhdukë elementët që pengojnë bashkëjetesën ndërmjet kulturave si: diskriminimi, përjashtimi, racizmi.
Edukimi ndërkulturor përkufizohet dhe konceptohet si një proces i vazhdueshëm i zhvillimit në të gjitha nivelet arsimore dhe në akset integruese të arsim, ku shteti me pjesëmarrjen e familjes dhe shoqërisë promovon diversitetin kulturor gjithëpërfshirës.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
