Ka lajme të mira për adhuruesit e kafesë. Të dhënat e më shumë se 170,000 të rriturve në Mbretërinë e Bashkuar kanë zbuluar se ata që pinë nga dy deri në katër filxhanë kafe çdo ditë, pavarësisht nga sheqeri i shtuar, duket se jetojnë më gjatë në krahasim me ata që nuk pinë.
Analiza u krye nga shkencëtarë në Kinë, në Universitetet Southern Medical dhe Jinan në Guangzhou dhe u botua në Annals of Internal Medicine. Autori kryesor Dr. Dan Liu, një studiues i shëndetit publik në të dy institucionet, tha se studimi i tyre mbështet gjetjet e mëparshme pozitive mbi rezultatet shëndetësore të lidhura me pirjen e kafesë. “Studimet e mëparshme vëzhguese kanë sugjeruar një lidhje midis marrjes së kafesë dhe zvogëlimit të rrezikut për vdekje, por ata nuk bënë dallimin midis kafesë së konsumuar me sheqer ose ëmbëlsues artificialë dhe kafesë së konsumuar pa”, tha Liu.
Përfitimet ishin më të theksuara në mesin e grupit që pinte nga dy deri në katër filxhanë në ditë, rreziku i vdekjes së hershme të të cilit ishte 30% më pak i mundshëm se sa ata që nuk konsumonin. Studimi i tyre përforcon gjetjet e mëparshme të përfitimeve “në formë U” të pirjes së kafesë, sipas Liu, ku ata që pinë sasi shumë të ulëta ose shumë të larta kafeje duken më keq se ata që bien në mes.
Përgatiti K.I / Burimi nypost.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
