Sigurisht, gjithkush ka dëgjuar ose ka shqiptuar, madje edhe menduar, frazën: “Isha i lumtur dhe nuk e dija!”. Për të qenë më specifik, do të trajtoj kontekstin e marrëdhënieve të dashurisë. Jo rrallë, ne mendojmë se dashuria që vlen është ajo me intensitet të plotë, që të shkakton flutura në stomak dhe që çliron adrenalinë.
Natyrisht kjo është e mrekullueshme, por vlen të kujtojmë se këto simptoma janë të zakonshme në fazat e para të marrëdhënieve. Jo se ato zhduken gjatë lidhjes, megjithatë, ato zbutën gjatë bashkëjetesës. Shumë prej tyre janë thellësisht të pakënaqur me këtë ndryshim, duke zgjedhur t’i japin fund lidhjes.
Simptomat fillestare të mungesës së pasionit janë problematike. Ndodh që shumë njerëz nuk e kuptojnë se, në fakt, këto simptoma janë zëvendësuar nga elementë të tjerë thelbësorë për dy njerëz që shkojnë së bashku: miqësia, liria për të treguar pa formalitet, spontaniteti, ngushëllimi të intimitetit pa rezerva dhe pjesëmarrja.
Shumë njerëz ndahen duke besuar se martesa ka humbur hirin e saj, kështu që kur ata ndjejnë të largohen nga ajo shoqëri, ata kuptojnë se në çdo moment dashuria ishte e pranishme, por nuk u perceptua qartë sepse, dashuria është delikate, dashuria është fllad, e kundërta e pasionit që është stuhi.
Pastaj, larg nga partneri, kupton se dashuria ishte vetëm ajo ngrohtësi e shijshme ndërsa shikonte një film të dielën pasdite me pizhame. Dashuria ishte e fshehur në të qeshurën dhe pakënaqësinë që fëmijët bënin në shtëpi. Dashuria ishte tek bërja e ëmbëlsirave dhe kafesë me qumësht pasdite, në tryezën e kuzhinës.
Po, veshja e preferuar e dashurisë është thjeshtësia. Nga një distancë, me një zemër të thyer, ata kuptuan se dashuria ishte e fshehur në udhëtimin e familjes në supermarket dhe se ajo ishte e përzier me bagazhin e atij udhëtimi që ndodhi pas pesë viteve të krizës financiare. Dashuria ishte aroma kryesore e drekës së familjes.
Dashuria ishte rutina që kur shkoje në shtëpi përshëndeteshe nga qeni euforik, ndërsa fëmija bënte detyrat e shtëpisë në tavolinë. E gjithë kjo ishte dashuri, e gjithë kjo ishte një pasuri e pamasë! Kushtojini vëmendje marrëdhënies tuaj, jini gati për të realizuar pasuritë që ju jep.
Tregoni mirënjohje për partnerin tuaj, familjen tuaj dhe rutinën tuaj. Mos prisni të humbni gjithçka me vlerë, mos u mashtroni duke besuar se ekzistojnë marrëdhënie të përsosura. Mos harroni: të gjitha marrëdhëniet, me kalimin e kohës bëhen rutinë, dhe çdo rutinë ka bukurinë e saj.
Përgatiti: Brikela Daci | Burimi / emozionifeed.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
