Fli më mirë, ndjehu më mirë. Një ekspert tha se pastërtia e shtratit tuaj mund të ndikojë shumë më tepër sesa thjesht gjumi i natës. Në fakt, eksperti tha se gjumi në një shtrat të pastër mund të ndihmojë në përmirësimin e higjienës, mirëqenies dhe humorit tuaj të përgjithshëm.
Mesatarisht, një i rritur heq 1.5 gram lëkurë të thatë çdo ditë dhe një sasi e madhe e saj gjendet brenda çarçafëve. Fatkeqësisht, ato lëkura tërheqin marimangat e pluhurit, të cilat mund të çojnë në simptoma alergjie ose astme si kollitja, teshtitja dhe kruarja e syve. Për të parandaluar grumbullimin e lëkurës së vdekur dhe marimangat e pluhurit, ekspertët thanë se është e rëndësishme që të pastroni rregullisht shtratin tuaj.
Larja e çarçafëve
Ekspertët e mikrobiologjisë dhe dermatologjisë rekomanduan të lani çarçafët tuaj një herë në javë për t’u siguruar që ato të mbeten të pastra. Nëse flini vetëm, ata thanë se mund ta zgjasni rregullin një herë në dy javë, por më shumë rekomandohet çdo shtatë ditë. Një raport i sondazhit në dhomën e gjumit nga Fondacioni Kombëtar i Gjumit (NSF) zbuloi se 71% e njerëzve kishin raportuar se kishin një gjumë më të mirë gjatë natës kur çarçafët ishin me një aromë të pastër. Për të hequr qafe lëkurën e vdekur, bakteret ose marimangat e pluhurit, duhet t’i lani çarçafët në ujë të nxehtë dhe më pas t’i thani me nxehtësinë maksimale të tharëses ose jashtë.
Larja e jastëkëve, mbrojtëseve të dyshekut dhe batanijeve
Për të siguruar një higjienë të mirë, eksperti tha se rekomandohet larja e jastëkëve një herë në vit, por ata sugjerojnë ta bëni atë dy herë në vit. Sa i përket mbrojtësve të dyshekut, tha se mund t’i lani çdo dy muaj. Batanijet që përdoren çdo ditë duhet të lahen një herë në sezon, ose çdo tre muaj.
Burimi / https://www.the-sun.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
