Lajm i mirë për të gjithë personat e shëruar nga koronavirusi. Një studim me bazë të gjerë, i kryer mbi personelin shëndetësor (që në të vërtetë është në rrezik) në Britaninë e Madhe, konfirmoi se rreziku për t’u prekur sërish me Covid-19, është shumë i ulët, të paktën deri në 7 muaj pas infektimit.
Kush ka pasur Covid, a mund të infektohet sërish?
Studimi, i publikuar në 9 prill në revistën shkencore “The Lancet”, kishte për qëllim të përcaktojë nëse ri-infektimi ishte simptomatik apo asimptomatik, nëse individët e ri-infektuar ishin infektues për të tjerët, përfshirë dhe kohëzgjatjen e imunitetit nga infeksioni i parë.
Më shumë se 90% e individëve të infektuar me SARS-CoV-2, zhvillojnë antitrupa rreth 1 javë pas fillimit të simptomave dhe megjithëse kohëzgjatja e saktë e imunitetit të dhënë nga infeksioni natyror, është ende e panjohur, në hulumtime të ndryshme dhe përditësimet pasuese, u arrit në përfundimin se antitrupat neutralizues kundër proteinës “spike” të SARS-CoV-2, ishin akoma të pranishme për të paktën 5 muaj pas infeksionit primar.
Ky studim anglez, e zgjat edhe më shumë kohëzgjatjen e antitrupave në krahasim me kërkimet e mëparshme.
Sa zgjat imuniteti? Studimi
Personeli i ekzaminuar, përbëhej nga punonjës shëndetësorë, personel ndihmës dhe personel administrativ i Shërbimit Shëndetësor Kombëtar (NHS) të Mbretërisë së Bashkuar, subjekte veçanërisht të ekspozuara ndaj pranisë së SARS-CoV-2, të regjistruar për një total prej 25,661 pjesëmarrësish.
8,278 persona (32,3%) u caktuan në “grupin pozitiv”, duke përfaqësuar ata që kishin pasur një infeksion të mëparshëm Covid dhe 17,383 (67,7%) ishin caktuar në “grupin negativ”, njerëz që kurrë nuk kanë qenë pozitivë për koronavirusin.
Të gjithë pjesëmarrësit, iu nënshtruan për 12 muaj tamponit molekular çdo 2 javë dhe testeve serologjike (teste të antitrupave) çdo 4 javë. Kohëzgjatja mesatare e ndjekjes për çdo pjesëmarrës, ishte 275 ditë për grupin pozitiv dhe 195 ditë për grupin negativ. Deri më 11 janar 2021, 1.859 infeksione të reja u zbuluan në grupin e studimit: 1,704 infeksione primare në grupin negativ dhe 155 ri-infeksione në grupin pozitiv.
Ata që janë shëruar kanë një mbrojtje 90%
Nga 155 ri-infeksione, 78 (50.3%) ishin simptomatikë, 50 (32.3%) me simptoma tipike Covid. Intervali mesatar midis infeksionit primar dhe episodit të ri-infektimit për 47 rastet me një test pozitiv PCR nga episodi i tyre primar, ishte 201 ditë (me një diapazon prej 95-297 ditë).
Për 99 rastet që siguruan një histori të simptomave Covid dhe jo një tampon për të vlerësuar datën e infeksionit të tyre primar, intervali mesatar midis infeksionit primar dhe ri-infektimit, ishte 241 ditë (diapazoni 90-345).
Llogaritja përfundimtare, e shmangur nga gabimet e mundshme dhe rastet e papërcaktueshme, tregoi se infeksioni i mëparshëm, uli incidencën e infeksionit me të paktën 90% dhe duke përfshirë gjithashtu midis ri-infeksioneve, ata që nuk janë konfirmuar plotësisht, infeksioni i mëparshëm Covid, uli incidencën e ri-infeksioneve me të paktën 84%.
Edhe kundër variantit “anglez”
“Ne besojmë se ky është efekti më pak i mundshëm. Kemi identifikuar dhe studiuar më shumë infeksione të mundshme, sesa kemi raportuar në literaturën globale deri më tani”, – shkruajnë studiuesit, duke shtuar: “Pas 7 muajsh ndjekje, ky studim i madh vëzhgues, tregoi se infeksioni i mëparshëm SARS-CoV-2, mbron shumicën e njerëzve nga ri-infektimi për një mesatare prej 7 muajsh” dhe më pas, ata përfundojnë: “Në këtë analizë, ne kemi treguar gjithashtu se imuniteti nga infeksioni i mëparshëm, është mbrojtës ndaj variantit ‘anglez’ (B.1.1.7)”, i cili në muajt e studimit është zgjeruar dhe përhapur në Mbretërinë e Bashkuar.
Mjafton një dozë vaksine
Studimi konfirmon se një infeksion i mëparshëm (edhe nëse është asimptomatik), mbron trupin për muaj, sepse sistemi imunitar njeh virusin. Kjo dëshmi e bën propozimin për të vaksinuar të kuruarin me një dozë të vetme edhe më të vlefshme: infeksioni i parë, shërben si një “shkas” për sistemin imunitar, doza e vaksinës është e mjaftueshme për të rritur këtë përgjigje, madje edhe tek ata që (ndoshta të moshuar) kanë zhvilluar më pak mbrojtje.
Konfirmimi i mbrojtjes së mirë, gjithashtu justifikon idenë e një pasimi që do të shtrihet tek të shëruarit, padyshim me karakteristikat që duhet të përcaktohen veçanërisht në lidhje me muajt e kaluar që nga infeksioni i parë dhe dokumenteve (testet) që duhen treguar për të vërtetuar shërimin.
Burimi / gazetasi.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
