Gjatë stinës së verës temperaturat e larta janë një problem shumë shqetësues. Këshilla e pandryshuar që dëgjojmë sa herë flitet për të nxehtin është: konsumoni sa më shumë ujë!
Por sa e drejtë është kjo këshillë e shtruar në këtë formë? Në fakt uji është i rëndësishëm për të ruajtur trupin nga dehidratimi, por pyetja qëndron te sasia.
Ekspertët janë të ndarë në këtë pikë. Në njërin grup janë ata që mendojnë se 1.5-2 litra janë të domosdoshme. Por, ka edhe nga ata që thonë se nuk ka rëndësi sasia, por konsumimi i ujit sa herë ndjeni etje. Ajo që duhet të keni parasysh është të parandaloni dehidratimin duke i kushtuar rëndësi disa shenjave.
Kur trupi ka mungesë të ujit ju duhet ta kuptoni nga këto shenja:
– Lëkurë e thatë dhe e varur
– Erë e keqe e gojës
– Urinë në ngjyrë të errët dhe aromë jo të zakonshme
– Dhimbje koke
– Lodhje e vazhdueshme
Nëse edhe ju keni këto simptoma, atëherë trupi po ju tregon se ka nevojë për ujë
Burimi / gsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
