Scarlett Johansson është shtatzënë! Aktorja e nominuar për Oskar është në pritje të fëmijës së parë me bashkëshortin, Colin Jost.
“Scarlett do bëhet sërish nënë, ajo dhe Colin ishin të entuziazmuar,”– tha një burim për Page Six.
Ndërsa një tjetër shtoi: “Ajo është shtatzënë por e ka mbajtur të fshehtë. Ka mbajtur një profil shumë të ulët.”
Ylli i “Avengers” ndezi thashethemet se ishte në pritje të ëmbël në muajin qershor pasi nuk u shfaq në shumë intervista apo evente për promovimin e filmit ‘Black Widow’.
Aktorja është nënë e një vajze 6-vjeçare, Rose me ish bashkëshortin, Romain Dauriac. Johansson dhe 39 vjeçari Colin u martuan në fshehtësi në tetor 2020 pas tre vitesh lidhje. Çifti u takuan për herë të parë në Saturday Night Live në vitin 2006, por nisën një romancë vetëm 11 vite më vonë, në maj 2017.
Ata u fotografuan duke u puthur gjatë një feste për NBC, disa muaj pasi Johansson bëri kërkesë për divorc nga Dauriac. Dyshja bënë publike lidhjen e tyre në dhjetor 2017 dhe u fejuan dy vite më vonë, në maj 2019.
Burimi / PamoramaPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
