Ky është një lajm i keq për ata që kanë qejf të bëjnë “selfie”: drita e telefonit që shkrepet (fleshi) rrezikon të përshpejtojë plakjen e lëkurës.
Në këtë përfundim ka arritur blogerja e njohur angleze, Mehrin Baig, e cila realizon çdo ditë rreth 50 foto të cilat i publikon në “Instagram”.
E shqetësuar rreth dëmtimit të lëkurës së saj, 26-vjeçarja u konsultua me një dermatolog. Pas kontrollit me skaner u arrit në përfundimin se drita e lëshuar nga telefoni në momentin e shkrepjes lëshon rreze HEV. Këto rreze dëmtojnë lëkurën dhe më konkretisht pjesën poshtë syve, ku poret nisin të zmadhohet gjithnjë e më shumë.
“Ka tre faktorë kryesorë që çojnë në dëmtimin e lëkurës: ndotja, dëmet e shkaktuara nga dielli si dhe dëmet nga rrezet HEV. Kombinimi i këtyre faktorëve shkakton inflamacion të lëkurës, duke ngadalësuar aftësinë e saj për t’u shëruar si dhe për t’u mbrojtur nga rrezet e dëmshme”, shpjegon Dr. Simon Zokaie, dermatolog në fushën e kozmetikës.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
