Martesa është diçka serioze. Në ditët kur përqindja e divorcit është vazhdimisht në rritje, zgjedhja e partnerit jetësor është një proces mjaft i vështirë. Por, si ta dini nëse partneri që keni është i duhuri për martesë? Më poshtë i keni disa prej shenjave që e zbulojnë këtë.
Komunikimi është i shkëlqyeshëm
Komunikimi është gjëja kyçe në çdo lidhje. Pa komunikim efektiv dhe pozitiv, ju nuk mund ta ndërtoni asnjë lidhje të mirë e cila zgjatë përgjithmonë. Martesa përfshin dy njerëz të ndryshëm, që e shohin botën në mënyra të ndryshme, me mënyra të ndryshme mendimi dhe me ide të ndryshme – ndërkaq mënyra e vetme për ta bërë të funksionojë një lidhje është duke komunikuar.
Është emocionalisht dhe mendërisht i pjekur
Pjekuria emocionale është shumë e rëndësishme në martesë. Kjo do të thotë se dikush mund të jetë i sinqertë me vetveten dhe t’i shpreh hapur ndjenjat pa u frikësuar se do të perceptohet si i dobët.
E respektoni njëri-tjetrin
Dy njerëz nuk mund të jenë mirë përgjithmonë nëse nuk e respektojnë njëri-tjetrin. Kur shikoni mashkullin tuaj, ju duhet të jeni e aftë të admironi vlerat e tij, forcën, shpirtin, njësoj sikurse ai ju admiron dhe respekton juve.
Është i mirë me tjerët
Dikush që ju trajton vetëm juve mirë, por të tjerët në mënyrë të pasjellshme, thjesht nuk është për martesë. Përse? Sepse nuk është vërtetë i mirë dhe i respektueshëm, por vetëm aktron para teje.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
