Specialistët kanë konstatuar që fjalët apo shprehjet e duhura, nuk janë të parat që vijnë në mend, kur duhet qetësuar një fëmijë tekanjoz apo që grindet. Ata kanë grupuar një seri shprehjesh, që duhet patur kujdes t’i evitojmë dhe të mos i përdorim edhe pse janë të parat që vijnë në mend. Shprehjet e më poshtme janë disa, të cilat duhen shmangur:
Nga Lira Gjika
Pediatre
1. Mjaft i hodhe gjërat përtokë
2. Fëmijët e rritur nuk sillen kështu
3. Mos guxo të gjuash
4. Po sillesh shumë keq
5. Tani do të dënoj
6. Shko laj shpejt dhëmbët
7. Ha ose do të shkosh të flesh pa ngrënë
8. Mjaft, fëmijë qarraman
9. Pusho, nuk të dëgjoj
10. Sa herë duhet ta përsëris
11. Po më turpëron në sy të të tjerëve
12. Ik që këtu
13. Do të të çoj në banjë
14. Mjaft bërtite
15. Të kisha thënë, por nuk dëgjon
16. Po humbas durimin
Këto shprehje janë organizuar në fjali urdhërore. Fjalia urdhërore krijon te njeriu gjendje alarmi dhe jo qetësie si në rastin e fjalisë dëftore. Gjithashtu tregon që i rrituri ka humbur durimin, përton të qetësojë veten dhe të ndihmojë fëmijën të superojë këtë situatë. I rrituri “i bie shkurt”, urdhëron dhe kërcënon.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
