Nëse dëshironi të keni një jetë të lumtur dhe të përmbushur, duhet të jeni të vetëdijshëm për disa zakone që mund të përbëjnë një kërcënim serioz për lumturinë tuaj. Gjëja më e keqe që mund të bëni është të bëheni rob i ndjenjave tuaja.
Mësoni se si të kapërceni zakonet që ju bëjnë të pakënaqur.
- Mos dyshoni për potencialin tuaj
Një nga zakonet që mund t’ju bëjë vërtet të pakënaqur është të dyshoni për veten dhe aftësitë tuaja sa herë që përballeni me një sfidë të madhe në jetë. Mos e nënvlerësoni potencialin tuaj sepse nuk do ta dini kurrë se çfarë jeni në gjendje të bëni derisa të përpiqeni të arrini qëllimet tuaja. Pengesa më e madhe (por edhe e vetmja) që mund të pengojë suksesin është pasiguria. Prandaj, punoni dhe mos dyshoni kurrë në veten tuaj!
- Mos e ndërlikoni jetën tuaj
Jeta është e ndërlikuar në vetvete dhe ndaj nuk duhet ta vështirësoni edhe më shumë. Mësoni t’i pranoni gjërat ashtu siç janë dhe përqendrohuni në prioritetet tuaja në mënyrë që të mos ndiheni të mbingarkuar ose të rraskapitur.
- Mos u fokusoni vetëm në anën negative të jetës
Nëse jeni duke u fokusuar vazhdimisht në çdo gjë negative në jetën tuaj, atëherë është krejt normale të jeni të pakënaqur. Mundohuni ta kapërceni këtë zakon të keq duke ndryshuar mënyrën tuaj të të menduarit. Pranoni se ka ulje dhe ngritje në jetë dhe se asgjë nuk është perfekte.
- Mos shpenzoni shumë kohë duke menduar për të kaluarën
Për atë që është e kaluar nuk mund të bëni asgjë për ta ndryshuar. Prandaj, mos humbisni kohë duke analizuar kujtimet e dhimbshme ose mundësitë e humbura. Përqendrohuni në të ardhmen tuaj dhe në gjërat e mrekullueshme që do t’ju ndodhin. Jetoni të tashmen dhe shijoni çdo moment!
- Mos e krahasoni veten me të tjerët
Sado e vështirë të jetë të heqësh qafe këtë zakon jo të shëndetshëm, gjithsesi nuk është e pamundur. Në vend që të krahasoni veten me të tjerët, krahasoni veten me atë që keni qenë 5, 10 vjet më parë. Do të kuptoni se keni bërë përparim të madh ndër vite. Ji mirënjohës për atë që ke dhe mos e merr gjithçka si të mirëqenë!
Burimi / https://italiafeed.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
