Pasiguria e punës përvçse ka ndikime të dukshme financiare mund të sjelli dhe një stil jetese të vështirë. Por çfarë mund të themi për efektet e tij në shëndetin tonë…?
Pasiguria e punës mund të shkaktojë një mori problemesh. Pagat e ulëta mund ta bëjnë të vështirë plotësimin e nevojave bazë. Kjo do të thotë që ndiheni të stresuar sa herë që duhet të shpenzoni para. Marrëdhënia midis një pune dhe interesave të një punonjësi është gjithashtu e rëndësishme. Nëse keni studiuar për të qenë në një fushë të caktuar dhe ju duhet të punoni një punë tjetër për arsye ekonomike, nuk do të jeni të kënaqur. Kushtet e këqija të punës (kontrata afatshkurtra, orë të pamjaftueshme, etj.) mund të shkaktojnë gjithashtu ankth të konsiderueshëm .
Nga ana tjetër, mjediset e pasigurta të punës mund të shkaktojnë stres dhe ankth. Punët në ndërtim kanë ende një shkallë vdekshmërie relativisht të lartë, gjë që u jep stres punëtorëve të ndërtimit. Ata janë të ekspozuar ndaj makinerive të rënda, kimikateve dhe ndonjëherë edhe ndaj materialeve shumë të nxehta. Strukturat në të cilat punojnë janë gjithashtu mjaft të rrezikshme sepse shumica e punëtorëve nuk mbajnë mjetet e sigurisë. Minierat janë gjithashtu vende pune jashtëzakonisht të rrezikshme pasi minatorët janë të ekspozuar ndaj gazeve toksike dhe ndonjëherë nuk kanë oksigjen të mjaftueshëm.
Por,çfarë mund të bëni për pasigurinë e punës?
Identifikoni shkakun e pasigurisë
Siç e kemi parë, pasiguria në punë shkaktohet nga faktorë të ndryshëm. Ju mund të punoni me makineri të rrezikshme ose duhet të përballeni me kolegë toksikë ose edhe me ngacmime në vendin e punës. Para se të ndërmerrni veprime, ju duhet të identifikoni shkakun e ankthit tuaj, sepse kjo do të përcaktojë se çfarë lloj zgjidhjeje do të jetë efektive.
Vendosni prioritete
Njerëzit që përjetojnë pasiguri në punë kanë nivele më të larta stresi se të tjerët. Kështu, duhet të përpiqeni të shmangni situatat që do të shkaktojnë stres të panevojshëm. Ka shumë gjëra, situata, madje edhe njerëz që mund të ndikojnë në cilësinë e jetës suaj. Qëndrimi larg tyre mund të përmirësojë nivelin tuaj të stresit.
Mos u bëni shumë të ashpër me veten
Rezultatet tuaja të punës shpesh varen nga gjërat që nuk mund t’i kontrolloni. Mos jini perfeksionist dhe pranoni se do të bëni gabime. Kjo do t’ju ndihmojë të relaksoheni. Mos harroni se ndonjëherë ju jeni kritiku juaj më i keq.
Burimi/exploringyourmind.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
