Fluor apo jo? Kjo është një nga dilemat e prindërve. Njëherë e një kohë, ishte e zakonshme të sugjeroheshin suplemente shtesë ose pasta me bazë fluori që në muajt e parë të jetës së foshnjës. Sipas të dhënave të fundit integrimi nuk është i nevojshëm, saqë shumë pediatër nuk e rekomandojnë atë më.
Siç sugjerohet nga një studim i ri nga një grup studiuesish amerikanë, nga Universiteti i Karolinës së Veriut, të publikuar në Journal of Dental Research, në fakt, do të ishte e mjaftueshme konsumi i ujit të fluorizuar për të parandaluar prishjen e dhëmbëve tek fëmijët.
Uji i fluorizuar
Studimi që tregoi dobinë e ujit të pasur me fluoride u bë në disa qarqe në Shtetet e Bashkuara. Autorët fillimisht shqyrtuan shëndetin e dhëmbëve të fëmijëve dhe predispozitën për zhvillimin e kariesit. Përveç kësaj, ata analizuan sasinë e fluoridit të pranishëm në ujë për të kontrolluar nëse kishte ndonjë korrelacion midis këtyre dy faktorëve.
Mbron shëndetin oral
Të dhënat e mbledhura tregojnë se në qarqet në të cilat më shumë se 75% e qytetarëve kishin ujë të fluorizuar, kariesit te fëmijët janë ulur me 30% në dhëmbët e qumështit dhe 12% te dhëmbët e përhershëm.
Përfitimet sidomos në moshën 2 deri 8 vjeçare
Hulumtuesit arritën në përfundimin se këto rezultate konfirmojnë përfundimet e arritura nga të gjitha studimet kryesore të dekadës së fundit se uji me fluor është një aleat i rëndësishëm i shëndetit të dhëmbëve në të gjitha moshat, dhe veçanërisht në fëmijët në mes dy dhe tetë vjet.
Kujdes!
Përtej dobishmërisë së fluorit, për të mbrojtur dhëmbët e fëmijëve dhe për të zvogëluar rrezikun e prishjes së tyre, është thelbësore që ata të mësojnë t’i lajnë siç duhet që në moshë të vogël.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
