Në mënyrë alarmante, tre nga katër vizita te mjeku janë për shkak të kushteve të lidhura me stresin, dhe një në pesë amerikanë përjetojnë “stres ekstrem”.
Një pjesë e problemit? Lajmet dhe media sociale. “Si shoqëri, ne jemi shumë të ashpër me veten këto ditë. Unë mendoj se i zhvlerësojmë presionet dhe pritjet që kemi”, thotë specialistja për sëmundjet kronike dhe specialistja e mjekësisë parandaluese Jessica Cline, në Kansas City, Misuri.
Të njohësh simptomat e stresit është hapi i parë për të marrë gjendjen nën kontroll. “Kur pacientët e mi vijnë me simptoma, ne flasim për atë që me të vërtetë ndikon ditën e tyre, në jetën e përditshme. Bazuar në këto nivele, ne punojmë me një plan të menaxhimit”, thotë Cline.
Këto janë 11 shenjat e stresit që Cline sheh më shpesh në praktikën e saj:
- Nervozizëm
- Ankthi
- Sulme paniku
- Trishtim
- Humbja e gëzimit në aktivitete që dikur ishin argëtuese
- Vështirësi për të fjetur
- Humbja e oreksit ose rritja e oreksit
- Vështirësi për tu përqendruar ose për të marrë vendime
- Dhimbje kronike
- Dëshira për të rritur përdorimin e alkoolit ose drogës
Ndërsa ju mendoni se streset e jetës nuk ju shkaktojnë shumë dëm, stresi i zgjatur akut shpejt mund të kthehet në stres kronik, i cili mund të rrisë rrezikun e kushteve të caktuara shëndetësore, duke përfshirë:
- Hipertension
- Sëmundje të zemrës
- Përkeqësim i astmës
- Shtim në peshë apo vështirësi për të humbur peshë
- Sëmundje të yndyrave të mëlçisë
- Probleme gastriti si aciditet
- Lodhje
- Vështirësi në fjetje
- Ankth
8 rrugë për të reduktuar stresin
Ulni rrezikun e këtyre kushteve shëndetësore duke qenë të ndërgjegjshëm për shprehitë tuaja të përditshme dhe mënyrën se si merreni me situata stresuese. Ja se si ju mund të reduktoni stresin në jetën tuaj:
Shkëputuni nga teknologjia
Ne jemi shumë të varur nga teknologjia këto ditë, por ajo është një kontribuues i madh stresi në shumë prej pacientëve, thotë Cline.
Studimet tregojnë se shkëputja nga kërkesat e punës jashtë orarit të rregullt të punës është e rëndësishme për shërim psikologjik dhe shëndetin e përgjithshëm. “Provoni të shkëputeni në mbrëmje. Kjo do t’ju ndihmojë të ripërqendroheni”, thotë Cline. Dhe madje edhe të rinjtë duhet të shkëputen herë pas here nga kompjuterët e tyre. Përdorimi për një kohë të gjatë i kompjuterit (katër ose më shumë orë në ditë) ka qenë i lidhur me çrregullimeve e gjumit dhe performancës më të dobët në shkollë për të rinjtë e moshës 20 deri 24 vjeç.
Organizohuni
Është e lehtë të stresoheni kur ju ndjeni sikur ju nuk jeni në kontroll të mjedisit tuaj. Nëse arriti të organizoheni kjo ju rrit përqendrimin, thotë Cline.
Mbani një ditar ose kalendarin për të organizuar ditët e tua dhe javët, dhe përdorni telefonin për të njoftuar veten për detyrat apo ngjarje të rëndësishme. Paketimi i drekës, organizimi i çantës dhe nxjerrja në mbrëmje e rrobave që do të vishni në mëngjes do të përmirësojë ritmin e mëngjesit tuaj dhe ju mund të filloni ditën me këmbë të mbarë.
Kërkoni ndihmë
“Kërkoni ndihmë nëse ndiheni të mbingarkuar ose keni problem për të shkuar nga pika A te pika B”, – thotë Cline. Një sistem mbështetës mund të ndihmojë që të lehtësoni stresin
Fokusohuni për të ndjekur një jetë të shëndetshme
Kur ju ndiheni vetë më mirë, ju jeni më pak të stresuar, thotë Cline. Një dietë e shëndetshme dhe një regjim i rregullt ushqimor do t’ju ndihmojë për këtë.
Një dietë e ekuilibruar, e pasur me fibra, proteina dhe ushqime me karbohidrate të pasura si drithëra, fruta dhe perime ndihmojnë trurin të prodhojnë serotoninën, një hormon që qetëson mendjen. Frutat dhe perimet e freskëta janë të pasura me vitaminë C, një antioksidant që lufton efektet e stresit dhe ndihmon imunitetin. Këto ushqime ju ndihmojë të ruani edhe peshën tuaj.
Aktiviteti i rregullt fizik ju ndihmon të qëndroni i aftë fizikisht dhe ju largon stresin. Qendra për Kontrollin dhe Parandalimin e Sëmundjeve rekomandon 150 minuta ushtrime të moderuar aerobike si ecje të shpejtë të përzier me dy ditë të trajnimit intensiv në javë.
Flini
Gjumi na ndihmon të marrim energji për të nesërmen, dhe nëse nuk flini mjaftueshëm ka të ngjarë të jeni të stresuar ditën tjetër.
Mos e teproni me alkool
Pas një dite të gjatë e stresuese, është koha për pak verë, por shumë alkool mund të shkaktojë mungesë rehatie, ankth dhe probleme me gjumin, që mund të shtojnë më shumë stresin. Femrat duhet të mjaftohen me një gotë dhe meshkujt nuk duhet të kenë më shumë se dy.
Gjeni pak kohë për veten
Është e rëndësishme të gjeni pak kohë për veten, thotë Cline. Pak minuta vetmi për të shijuar aktivitetet që doni, darkë ose lexim, do të bëjë që të qetësoheni dhe do të përmirësojë përqendrimin dhe produktivitetin.
Dhe në qoftë se ju jeni në mes të një moment stresues, gjeni një moment të vetëm për të dalë jashtë, merrni pak ajër të pastër dhe praktikoni frymëmarrje të thellë. “Të mendosh para se të reagosh zvogëlon stresin afatgjatë”, thotë Cline.
Shkoni tek një profesionist
Një këshilltar profesionist mund t’ju ndihmojë të krijoni një plan për të menaxhuar stresin që po përjetoni./Monitor
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
