Çfarë nënkuptohet me disleksi dhe si manifestohet ajo? Këto janë pyetjet që turbullojnë shpesh mendjen e prindërve, të cilët dëshirojnë të njohin shenjat e para të Çrregullimeve specifike të të nxënit, për t’i ndihmuar fëmijët e tyre të përpiqen t’i zgjidhin ato. Duhet thënë se rastet me ASD mund të diagnostikohen vetëm pas përfundimit të klasës së dytë. Disleksia, diskalkulia, disortografia janë vetëm disa nga këto çrregullime me origjinë neurobiologjike, të cilat nuk ndikojnë në aftësitë njohëse, por mund të mos lehtësojnë vështirësitë e fëmijëve në lexim, shkrim dhe llogaritje.
Konkretisht, disleksia është një çrregullim leximi. Ata që janë disleksikë kanë vështirësi të lexojnë rrjedhshëm dhe saktë, si për atë që ka të bëjë me shpejtësinë e leximit, ashtu edhe për atë që ka të bëjë me korrektësinë e asaj që lexojnë. Për më tepër, në shumë raste ky çrregullim mund të ndikojë edhe në kuptimin e tekstit të shkruar, i cili nuk kuptohet në mënyrë optimale.
Disleksia mund të ndodhë vetëm ose e shoqëruar me ASD të tjera ose çrregullime të tjera të vëmendjes, gjuhës, lëvizjes. Personat disleksikë nuk kanë të njëjtat aftësi leximi si bashkëmoshatarët e tyre. Në veçanti vërejmë:
– vështirësi në shndërrimin e fonemës
– lexim i ngadalshëm
– lexim fragmentar
– përmbysjet ose zëvendësimet e fonemave
– fjalë të sajuara
– pamundësia për të kuptuar fjalët dhe të gjithë tekstin
Shenjat e para të disleksisë
Ndër shenjat e para të këtij çrregullimi specifik duhet të kemi parasysh në veçanti:
– Përmbysja e shkronjave dhe numrave (p.sh. 21 vs 12)
– Zëvendësimi i shkronjave (m / n; v / f; b / d, a / e)
– Vështirësi në mësimin e informacionit të njëpasnjëshëm si shkronjat e alfabetit ose tabelat e shumëzimit
– Vështirësi për t’u shprehur verbalisht
– Vështirësi në kopjim ose përmbledhje
– Probleme me shikimin
– Vështirësi në ndjekjen e një rutine
– Konfuzion në lidhje me marrëdhëniet hapësinore dhe kohore, siç është p.sh dallimi midis të djathtës dhe të majtës dhe midis së djeshmes dhe së nesërmes
Nëse vëreni këto probleme tek fëmija juaj, mbase është më mirë të flisni për to me një specialist, në mënyrë që të nisni menjëherë një proces që synon të ndihmojë fëmijën ose të riun për të kapërcyer këto kufij!
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
