Nëse makina juaj prishet, ju e dini se ku të shkoni për ta riparuar. Nëse një pjesë e trupit tuaj dhemb, ju e dini se si t’ia shpjegoni mjekut tuaj dhe ta përshkruani dhimbjen. Megjithatë, nëse jeni të shqetësuar për diçka, është ndryshe. Jo vetëm që duhet të mendoni se me kë ta ndani atë, por shpesh nuk dini si të flisni për problemet tuaja apo as ku të filloni.
Mësoni si të flisni për problemet tuaja
Nëse dëshironi të kujdeseni për shëndetin tuaj mendor në të njëjtën mënyrë që kujdeseni për trupin tuaj, duhet të flisni për atë që ju dhemb. Në fund të fundit, siç thotë thënia e vjetër, një problem i përbashkët është një problem i përgjysmuar. Megjithatë, disa prej nesh nuk janë mësuar të ndajmë problemet që na mbajnë zgjuar natën, duke dëmtuar ekuilibrin dhe mirëqenien tonë.
- Zgjidhni mirë të besuarin tuaj
Jo të gjithë rreth jush do të jenë të përshtatshëm për të kuptuar dhe dëgjuar problemet tuaja. Për shembull, ju mund ta doni vërtet mikun ose vëllanë tuaj më të mirë, por kjo nuk do të thotë se ata janë njerëzit më të mirë për t’i treguar problemet tuaja.
- Tregoni historinë tuaj nga fillimi
Ekziston një fakt kurioz për problemet. Ata nuk vijnë kurrë vetëm dhe shpesh kanë shumë degë dhe zgjerime. Në fakt, pothuajse pa e ditur ju, disa pengesa mund të çojnë në të tjera dhe jeta bëhet pafundësisht e ndërlikuar për ju.
- Përdorni etiketime emocionale
Kjo është pjesa më e ndërlikuar. Ju duhet të shprehni të gjitha emocionet tuaja të ndjera me fjalë. Njihet si etiketim emocional dhe është vërtet i rëndësishëm. Në fakt, hulumtimi i kryer nga Universiteti i Kalifornisë zbuloi se ky burim gjeneron lehtësim të madh mendor.
- Praktikoni dhembshurinë për veten
Për të ditur se si të flisni për problemet tuaja, ka një sërë besimesh të gabuara që duhet t’i largoni nga mendja. Të bësh këtë do t’ju lejojë të hapeni më me sukses me të tjerët.
Përgatiti K.I / Burimi exploringyourmind.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
