Në këtë botë materialiste, ku secili prej nesh është i zënë duke ndjekur diçka çdo minutë të ditës, shpesh e gjejmë veten duke humbur lumturinë. Njerëzit përfundojnë duke bërë shumë para dhe ende nuk janë të kënaqur me jetën e tyre. Nga ana tjetër, ka njerëz që e gjejnë lumturinë edhe kur udhëheqin një mënyrë jetese minimaliste.
Ndjehuni mirënjohës për atë që keni | Jini gjithmonë mirënjohës për gjërat e vogla që ju ka dhuruar jeta dhe do ta dini se në fakt, keni një milion arsye për t’u ndjerë të lumtur. A nuk është arsye e mjaftueshme fakti që keni këmbë për të ecur për t’u ndjerë të lumtur?
Ndaloni së ndjekuri ‘shtesën’ | Është gjithmonë mirë të keni ëndrra pasi ato i japin ditës tuaj një qëllim dhe një arsye që ju të zgjoheni në mëngjes. Por kur arrini diçka në jetë, mësoni të festoni atë në vend që të ndiheni të pakënaqur se sa më shumë mund të kishit arritur ose sa mirë mund të kishit bërë për të arritur më shumë.
Bjerë në dashuri me veten | Të gjithë jemi të ndërtuar ndryshe dhe të gjithë kemi të metat dhe talentet tona. Pasi të kuptoni faktin se jeni unik dhe nuk kërkohet të jeni të përsosur, mësoni ta përqafoni jetën me më shumë entuziazëm dhe lumturi. Për më tepër, suksesi dhe dështimi janë pjesë e madhe e jetës dhe vetëm ato nuk mund të përcaktojnë se kush jeni.
Mos i pranoni kritikat personalisht | Kur ju intereson vërtet se çfarë mendojnë dhe ndjejnë të tjerët për ju, thjesht po i lini të tjerët të vjedhin lumturinë tuaj. Asgjë nuk qëndron mbi faktin se nëse ka dikush që ju njeh më së miri, ai je “ti”. Kështu që herën tjetër kur dikush ju quan egoist ose oportunist, thjesht bëjini të ditur vetes se nuk jeni këtu për t’i shërbyer interesave të tyre. Bëni atë që ju bën të lumtur dhe jo atë që mund të ndryshojë perceptimin e njerëzve për ju.
Rrethojeni veten me shpirtra të lumtur | Është një thënie e famshme që thotë “Ju jeni mesatarja e pesë njerëzve me të cilët kaloni më shumë kohë”. Pra, zgjidhini miqtë tuaj me mençuri, sepse sa të lumtur janë ata do të vendosin përfundimisht masën tuaj të lumturisë.
Mësoni të falni të tjerët | Mbajtja e inatit me njerëz që ju kanë bërë keq mund t’ju bëjë të ndiheni më mirë për një kohë, por në fund, kjo do t’ju rrëmbejë qetësinë mendore. Falja është një bekim që nuk mund ta japin të gjithë. Bëhuni një person më i madh dhe falini armiqtë për paqen tuaj mendore. Jo vetëm që do të lehtësonte ngarkesën e zemrës suaj, por do të ishit më të lumtur se kurrë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
