Xhelozia shfaqet kur ndiheni të kërcënuar se dikush që doni do t’ju braktisë, pothuajse gjithmonë me synimin për të krijuar një marrëdhënie të re. Kur ndihemi xhelozë, instinktet tona na shtyjnë t’i mbajmë afër të dashurit tanë. Për rrjedhojë, gjenet tona përjetësohen dhe mbijetesa e grupit shoqëror të cilit i përkasim rritet.
Si të ndaloni së qeni xheloz?
- Pranoni emocionet tuaja
Ky është hapi i parë, megjithëse nuk është i lehtë. Nuk do të thotë vetëm të pranoni emocionet tuaja, por të merrni përgjegjësi për veprimet e dëmshme që keni kryer për shkak të xhelozisë suaj. Pra, merrni pak kohë për të reflektuar dhe përpunuar atë që po ndjeni.
- Mbështetuni te të tjerët
Kjo nuk do të thotë që ata që kanë vuajtur për shkak të xhelozisë suaj duhet t’ju mëshirojnë. Do të thotë të hapesh me të dashurit, të tregosh veten të pambrojtur dhe ta bësh të qartë se dëshiron të ndryshosh dhe riparosh veprimet e tua. Ky është gjithashtu një hap i vështirë, pasi nuk është e lehtë të tregoni dobësitë tuaja në mes të një konflikti të hapur.
- Dëgjoni
Dëgjimi është hapi tjetër për të pushuar së qeni një person xheloz. Të tjerët kanë të drejtë të shprehen dhe ai informacion do të jetë me të vërtetë i dobishëm që ju të ndryshoni. Pranoni fjalët dhe emocionet e tyre dhe filloni një dialog konstruktiv dhe pozitiv.
- Punoni në vetëvlerësimin tuaj
Mos harroni se një pjesë e xhelozisë suaj vjen nga pasiguria juaj dhe mungesa e vetëvlerësimit . Prandaj, një nga detyrat tuaja duhet të jetë forcimi i asaj pjese të identitetit tuaj. Ju jeni një person i vlefshëm, i mjaftueshëm dhe i denjë për dashuri. Nëse dikush ju braktis, nuk do të thotë se vleni më pak, është se, ndonjëherë, njerëzit nuk janë të pajtueshëm.
- Kontrolloni sistemin tuaj të besimit
Një marrëdhënie e shëndetshme nuk përfshin zotërime, por kufij dhe marrëveshje . Nëse jeni një person monogam dhe dëshironi një marrëdhënie të ngushtë, është më mirë të gjeni dikë që punon në të njëjtën mënyrë. Më pas, nuk do të ketë pabesi dhe prishje marrëveshjesh që çojnë në përfundimin e marrëdhënies, për shkak se ju përpiqeni t’i mbani ato në krah.
Xhelozia është një reagim normal emocional, të paktën është kur ju keni njëfarë kontrolli mbi të dhe kur nuk e ka kaluar kufirin në të paarsyeshmen. Përndryshe, bëhet xhelozi patologjike, delirante dhe irracionale. Kërkimi i mbështetjes është gjithmonë mënyra më e mirë e veprimit, veçanërisht nëse mendoni se ky emocion po pengon aspekte të jetës suaj të përditshme.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
