Të gjithë kemi ditë kur ndihemi paksa të çuditshëm dhe ndonjëherë edhe kontradiktorë me atë që po themi. Dhe pikërishtë në këto ditë e ndiejmë më shumë se kurrë nevojën për ngrohtësi dhe përqafime të sinqerta.
Të gjithë do të donim të jetonim në një botë të sigurt. Me ndjenja të qarta, logjikë të saktë dhe pa dykuptimësi. Megjithatë, ne duhet të pranojmë se bota, shoqëria jonë dhe madje edhe ne vetë, me botën tonë komplekse emocionale, janë të gjitha kontradiktore dhe në ndryshim. Pothuajse pa dashje, ne duhet të bëjmë përpjekje të mëdha për të gjetur harmoninë në mes të kaosit, sepse kështu piqemi dhe rritemi. Kështu mësojmë se si të vetërregullohemi ngadalë, ditë pas dite, dhe të gjejmë ekuilibrin e përsosur.
Ne duhet të mësojmë të pranojmë të gjitha këto lloj kontradiktash, si ato të jashtme ashtu edhe tonat. Do të ketë ditë kur gjithçka do të dalë në mënyrë perfekte dhe do të ketë raste kur gjithçka duket se po shkon keq dhe ku shpresa nuk gjendet askund. Ne do të ndihemi të vetmuar, të lënduar dhe madje të mbushur me zemërim me gjithçka që ndodh rreth nesh, por në të njëjtën kohë do të kemi nevojë të ndihemi pranë dikujt për një përqafim dhe pak për të gëzuar.
Hapi i parë në zbërthimin e kaosit emocional është të fillojmë të pranojmë. Është e rëndësishme të theksohet se të pranosh nuk do të thotë t’i dorëzohesh vuajtjes. Është njohja e asaj që po na ndodh në një mënyrë realiste, të sinqertë, të guximshme dhe të ndjeshme.
Hapi i dytë ka të bëjë me nevojën për përgjigje produktive dhe efektive. Për ta bërë këtë, ne duhet të investojmë pak guxim, shumë zgjuarsi dhe shumë vullnet të mirë në të gjithë procesin. “Nëse dua që një person të kuptojë se çfarë po më ndodh, atëherë duhet t’i tregoj.”
Hapi i fundit në këtë strategji të vetë-menaxhimit emocional është ndoshta më i rëndësishmi. Ne po flasim për nevojën për të kontrolluar të gjitha ato besime që na kufizojnë në një farë mënyre, dhe të gjitha mendimet tona ndërhyrëse, obsesionet negative dhe artilerinë psikologjike me të cilën shkatërrojmë veten.
Njohja, kontrollimi dhe menaxhimi i të gjitha emocioneve tona është një armë fuqie dhe mirëqenieje. Për ta bërë këtë do të thotë të gjesh harmoninë e brendshme në botën kontradiktore në të cilën jetojmë dhe të gjesh një ekuilibër në ato momente kur gjithçka na vjen dhe emocionet tona janë rrënuar.
Të gjithë ne meritojmë një përqafim herë pas here, një përqafim që na mbron. Por, mbi të gjitha, ne kemi një detyrim të kujdesemi për veten si qenie të çmuara, si thesare të universeve tona.
/Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
