Mendimet tona janë të fuqishme. Në të vërtetë janë aq të fuqishme saqë shpesh i dërgojmë dikujt një rrjedhë të vogël energjie thjesht duke menduar për të.
Të gjithë jemi qenie energjike dhe të gjithë kemi një energji që rrjedh nga brenda dhe rreth nesh. Sapo të jemi të vetëdijshëm për këtë energji dhe potencialin e saj, ne mund ta përdorim atë për të dërguar shërime, mendime dhe dëshira të mira për njerëzit që na interesojnë në të gjithë botën.
Të gjithë kemi mundësi t’ia bëjmë këtë atij të cilit dëshirojmë t’i dërgojmë energji dashurie dhe shërimi. Këtu mund të gjeni se si të dërgoni energji shëruese tek një person, kafshë ose bimë:
Si të dërgoni energji shëruese për një person në distancë
Organizoni hapësirën tuaj
Shiko për një vend të qetë ku nuk mund t’i pengojë njeri. Sigurohuni që kjo hapësirë të jetë e pastër dhe e lirë nga rrëmuja.
Qetësoni mendjen tuaj
Qetësoni mendjen tuaj duke bërë disa frymëmarrje të thella dhe pastaj organizoni qëllimin tuaj për shërim. Ju gjithashtu do të duhet të jeni të qartë për ata që doni t’u dërgoni energji shëruese.
Ndërtoni energjinë tuaj
Për të dërguar një energji pozitive shëruese, filloni duke fërkuar duart tuaja me njëra-tjetrën në një lëvizje rrethore derisa të ndjeni se energjia është duke u formuar mes tyre. Ju duhet të jeni në gjendje të ndieni energjinë pulsuese në duart tuaja duke i ndarë ato ngadalë.
Krijo një top energjie
Pasi ta ndjeni energjinë pulsuese në duart tuaja, imagjinoni sikur ajo merr formën e një topi. Ju gjithashtu mund t’i jepni topit të energjisë një ngjyrë të caktuar në varësi të llojit të energjisë shëruese që dëshironi të dërgoni:
- Blu: shërim emocional
- Portokalli: shërim fizik
- E bardhë: shërim shpirtëror / shërim në përgjithësi
- Jeshile: shërim zemre
- Vjollcë: shërim psikik
Dërgo energjinë
Kur mendoni se topi juaj energjik është aktiv dhe i fortë, dërgojeni atë tek personi që keni zgjedhur (ose kafshë). Ju gjithashtu mund ta imagjinoni personin që po i dërgoni energji dhe të ndjeni efektet e mrekullueshme të shërimit.
Ngrini lart energjinë tuaj
Pasi të dërgohet energjia shëruese, është e rëndësishme që të rimbushni bateritë duke shkarkuar energjinë tuaj në tokë. Ju mund ta bëni këtë duke ecur në natyrë, duke medituar, dukë bërë një banjë relaksuese ose thjesht duke ushqyer trupin tuaj me ushqim të shëndetshëm. Dërgimi i energjisë shëruese për dikë është një mjet i fuqishëm dhe një mënyrë e shkëlqyeshme për të ndihmuar të tjerët kur nuk mund të jetoni me ta.
Gjërat që duhet të bëni kur ndjeni se energjia juaj ka mbaruar
- Cilësia e energjisë tuaj shëruese varet nga ju, kështu që shmangni dërgimin e energjisë shëruese kur jeni fizikisht të sëmurë ose nuk ndjeheni mirë emocionalisht.
- Nuk është e nevojshme që t’i tregoni personit se po i dërgoni energji, por nëse doni t’ia thoni atij, kjo mund ta bëjë më të hapur në marrjen e energjisë.
- Energjia shëruese duhet të dërgohet me dashuri. Nëse e shihni se keni emocione negative ndaj personit të cilit po dërgoni këtë energji, atëherë mos e bëni.
- E gjithë ajo energji që ju dërgoni ju kthehet trefish. Kjo do të thotë që çdo energji që dërgoni në botë ju kthehet tre herë më e fortë.
Mësoni të dërgoni energji shëruese në distancë është një mjet shumë i vlefshëm dhe i veçantë që të gjithë ne duhet ta mësojmë. Pra, nëse dikush që ju njihni ka nevojë për pak energji shëruese, pse të mos provoni t’ia jepni.
Burimi / http://aprilamente.info
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
