Sipas një studim të Shoqatës Psikologjike Amerikane baballarët e vajzave priren të jenë më të pranishëm dhe më të përgjegjshëm ndaj nevojave të vajzave të tyre në krahasim me baballarët e djemve. Baballarët gjithashtu u këndonin vajzave të tyre më shpesh, flisnin më hapur për ndjenjat e tyre.
Studiuesit nga Universiteti Emory dhe Universiteti i Arizonës raportojnë se ndryshimet në ndërveprime mund të jenë për shkak se baballarët i pranojnë ndjenjat e vajzave më lehtë sesa e djemve.
“Kur fëmija telefononte ose kërkonte babin, ata me vajza përgjigjen më shumë se baballarët me djem”, thotë Jennifer Mascaro, hulumtuesja kryesore e studimit.
Përveç regjistrimeve të ndërveprimeve të përditshme, studiuesit përdorën gjithashtu skanime MRI për të matur trurin e baballarëve pjesëmarrës. Ajo që ata gjetën ishte thjesht magjepsëse:
“Sipas rezultateve të MRI-ve të trurit, baballarët e vajzave treguan një përgjigje më të fortë ndaj shprehjeve të lumtura të fytyrës së vajzave të tyre në zonën e trurit që kontrollon përpunimin vizual, shpërblimin, rregullimin e emocioneve dhe trajtimin e fytyrës e baballarëve që kanë djem.”
Megjithatë, baballarët e djemve të rinj ishin më të përgjegjshëm ndaj shprehjeve neutrale të fytyrës së djemve të tyre.
Sipas Mascaro, vajzat mund të mësojnë të jenë më empatike se djemtë nëse kanë baballarë që janë më të vëmendshëm ndaj nevojave të tyre dhe më të hapur ndaj ndjenjave të tyre.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
