Dëshmi

July 2, 2020 | 8:11

Sipërmarrësit shqiptarë dhurojnë 11,000 euro për rajonin Veneto

Në mbështetje të urgjencës së COVID-19, disa sipërmarrës shqiptarë nga krahina e Treviso-s dhuruan 11,000 Euro për rajonin e Venetos.

Presidenti i Rajonit Veneto, Luca Zaia, priti sot disa sipërmarrës shqiptarë – nga qyteti i Trevisos – të cilët dhuruan 11,000 euro, në mbështetje të urgjencës së COVID-19.

Zaia: I falënderoj këta djem për sensibilizimin

“Sot takova disa sipërmarrës nga komuniteti kosovar-shqiptar i Treviso dhe Provincia që dhuruan 11,000 euro në llogarinë e rajonit Veneto, si një shenjë solidariteti dhe mbështetjeje për emergjencën e Coronavirus. Shumë faleminderit këtyre djemve për ndjeshmërinë dhe solidaritetin e treguar ndaj Italisë dhe Venecianëve”.

Grupi i sipërmarrësve ishte pritur në qershor në komunën e Trevisos nga kryetari Mario Conte, i cili i kishte falënderuar publikisht:

“Është një gjest solidariteti që dëshmon afërsinë e një komuniteti që ka hyrë në një rrugë të rëndësishme integrimi dhe bashkëpunimi.” – tha Conte në fund të takimit.

Pothuajse 50,000 qytetarë me origjinë shqiptare (rreth 37,000 nga Shqipëria dhe 12,000 nga Kosova) banojnë në Veneto, komuniteti i pestë më i madh në Itali pas Lombardisë, Toscana, Emilia-Romagna dhe Piemonte.

 

Burimi / https://www.albanianews.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top