Që stresi është një nga sëmundjet më tipike të kohërave moderne, tashmë nuk ka më dyshime.
Sipas një grupi studiuesish gjermanë, mjafton të vëzhgosh një njeri të stresuar dhe organizmit tonë i shtohet niveli i kortizolit, që tregon praninë e stresit. Sipas rezultateve të studimit të botuar në revistën “Psychoneuroendocrinology”, stresi transmetohet edhe vetëm me një shikim. Studiuesit kanë matur nivelin e kortizolit te 211 persona, të cilëve u kërkuan të vëzhgonin dikë nën ndikimin e një stresi psikologjik.
Pas këtij eksperimenti ata dolën në përfundimin se në përgjithësi, në 26% të rasteve, vëzhgimi i një njeriu nën stres psikologjik shton nivelin e hormonit të stresit. Më në veçanti, nëse vëzhgon një njeri të stresuar, ky hormon rritet me 10%.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
