Aktiviteti i rregullt fizik ose qëndrimi në lëvizje jo vetëm që ka efekte pozitive në një nivel fizik por gjithashtu prodhon shumë përfitime në nivelin psikologjik. Këto përfitime gjenden si tek të rriturit, ashtu edhe tek fëmijët dhe kjo konfirmohet edhe nga shkenca. Sipas një studimi të kryer nga Universiteti Norvegjez i Shkencës dhe Teknologjisë fëmijët që janë fizikisht aktivë janë më pak të prirur për depresion.
Përfitimet psikologjike të sportit
Nuk është e re që sporti është i mirë për humorin: një analizë e 49 studimeve të kryera ndërkombëtarisht konfirmon që aktiviteti motorik, nga aktiviteti fizik spontan te sporti, ka një efekt mbrojtës kundër depresionit. Shumë studiues (Australian, Belgë, Britanik, Amerikan dhe Suedez) kanë punuar së bashku me Universitetin Brazilian La Salle për të analizuar marrëdhëniet midis stërvitjes dhe depresionit falë të dhënave që dolën nga studime të ndryshme që, për një periudhë prej shtatë vjet e gjysmë, vëzhgoi 266.939 njerëz të shëndetshëm mendërisht, që u përkasin të dy gjinive (47% meshkuj).
Rezultati që doli konfirmon se njerëzit fizikisht aktivë janë dukshëm më pak të ekspozuar ndaj rrezikut të depresionit sesa subjektet më pak aktivë. Aktiviteti motorik është treguar të ketë një efekt mbrojtës ndaj kësaj patologjie në subjekte të rinj, të rritur dhe të moshuar. Këtu vjen një tjetër studim i kohëve të fundit që konfirmon këtë efektivitet.
Efekti i aktivitetit fizik tek fëmijët
Sporti nuk është i mirë vetëm në nivelin fizik, por edhe në atë mendor, falë tij do të ndihmojmë të vegjlit të bëhen më të sigurt në vetvete, të ndërtojnë personalitetin e tyre, të përmirësojnë vetëvlerësimin e tyre, të bëhen më të shoqërueshëm dhe e fundit, por jo më pak e rëndësishmja, ata do të mësojnë të vendosin dhe të arrijnë qëllimet.
Botuar në revistën Pediatrics, studimi ekzaminoi rreth 800 fëmijë në moshën 6 vjeç, me ndjekjet pasuese të paktën 700 prej tyre në moshën 8 dhe 10 vjeç. Aktiviteti fizik u mat me akseleometra të lëvizshëm të veshur nga fëmijët, ndërsa mirëqenia mendore u hetua përmes intervistave me prindër dhe fëmijë. Të jesh aktiv, të djersitesh dhe madje edhe të luftosh, shpjegon koordinatorja Tonje Zahl, gjeneron “shumë më tepër sesa përfitime të shëndetit fizik”. Ato janë aktivitete të cilat gjithashtu mbrojnë nga depresioni. Mesatarisht tek fëmijët shumë aktivë të moshës 6 dhe 8 vjeç, studimi i lexuar, ekzaminuar dy vjet më vonë, tregoi më pak simptoma të depresionit. Këto zbulime, theksojnë studiuesit, mund të sugjerojnë që stërvitja mund të përdoret për të parandaluar dhe trajtuar depresionin që në fëmijëri.
Sa i përket shoqërimit midis stilit të jetës së ulur dhe simptomave të depresionit, studimi nuk gjeti prova: të mos jesh aktiv nuk rriti rrezikun e depresionit tek fëmijët e ekzaminuar. Sidoqoftë, për ekspertët kufizimi i qëndrimit të fëmijëve para TV ose smartphone është një hap i parë pozitiv, por jo i mjaftueshëm për t’i garantuar atyre mirëqenien: inkurajimi i tyre për të luajtur jashtë është mënyra më e mirë për të provuar të mbani larg depresionin.
Burimi / https://www.today.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
