Sipas një studimi, femrat mund ta ruajnë sekretin mesatarisht 32 minuta, ndonëse bindshëm premtojnë se do ta mbajnë gojën mbyllur për atë sekret.
Hulumtimet e reja që ka bërë një kompani e produkteve kozmetike duke intervistuar 3.000 femra, ka treguar se rreth 85 % e femrave nuk mund të mbajnë sekrete, pavarësisht se sa të rëndësishme janë.
Më së shpeshti, informacionin e marrë e ndajnë me partnerin, shoqen ose nënën.
Gjysma e të anketuarave thonë se pas ndarjes së sekretit ndjehen më lehtë, ndërsa 13% e tyre thonë se këtë e bëjnë fshehurazi, vetëm sa për të përhapur thashethemet.
Rreth 40% e femrave thonë se nuk është problem të ndash sekretet me persona të huaj, mirëpo, rreth 25% thonë se i brenë ndërgjegjja për keqpërdorim të besimit që personat e tjerë kanë pasur.
Kjo anketë ka treguar se femrat, në të vërtetë kalojnë nëpër faza të mundimshme teksa përpiqen për të ruajtur sekretin e tjetërkujt.
Ato këtë mund ta bëjnë më së shumti gjysmë ore, ndërsa rrjetet sociale dhe teknologjitë e reja vetëm sa ua “lehtësojnë punën”.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
