Sipas stereotipit gratë të cilat kanë dhimbje koke i drejtohen bashkëshortit të tyre me fjalët: “Jo sonte, i dashur”.
Por hulumtimet e reja sugjerojnë se në të vërtetë janë burrat që shpesh janë përgjegjës për mungesën e seksit në një martesë – sepse ndihen nën presion për të qenë të përkryer.
Një rishikim i 64 studimeve për jetën e marrëdhënieve seksuale të çiftit ka zbuluar se meshkujt largohen me shpresën se janë ata që do të bëjnë lëvizjen e parë.
Dhe, ashtu si gratë, mungesa e lidhjes emocionale ose frika se partneri i tyre nuk i pëlqen mund t’i largojë ata nga një natë pasioni.
Rezultatet e analizës ngatërrojnë një tjetër stereotip duke treguar se janë femrat, jo burrat, të cilat kanë gjasa të largohen nga seksi, sepse kanë një kohë të gjatë që janë me partnerin e tyre.
Ata gjithashtu tregojnë se lidhja emocionale është e rëndësishme për të dyja palët e një çifti.
Autorët, të udhëhequr nga Dr. Kristen Park në Universitetin e Kentucky, deklarojnë: ‘Ka supozime në kulturën tonë se gratë kanë dëshirë seksuale më të ulët se burrat dhe se është e parregullt që gratë të kenë dëshirë seksuale të lartë ose që burrat të kenë dëshirë seksuale të ulët. Sidoqoftë, hulumtimi i fundit ka treguar qartë se këto supozime të bazuara në gjini mbi dëshirën seksuale nuk mbështeten nga të dhënat”.
Burrat ndiejnë presion nga gruaja, e dashura apo shoqëria e tyre në përgjithësi për kryer marrëdhënie seksuale, madje edhe kur ata nuk e duan atë, sugjeron hulumtimi.
Ata shqetësohen se nuk do të kenë ndjenja erotike ose do të dështojnë dhe kjo mund të krijojë një ‘lak me reagime negative’ që shkatërron jetën e tyre të dashurisë.
Gratë pritet të tërhiqen nga seksi nëse nuk ndjehen emocionalisht pranë burrit të tyre, shkruajnë ekspertët në Journal of Sex Research.
Por burrat që kanë më shumë intimitet emocional me partnerin e tyre kanë gjithashtu më shumë gjasa të duan të flenë me ta.
Autorët thonë: ‘Burrat që ndienin mungesë lidhjeje emocionale me partneret e tyre përjetuan gjithashtu një dëshirë seksuale më të ulët.’
Këshillat për të dyja gjinitë, përfundojnë autorët, është të pranojnë dëshirën e tërheqjes dhe vazhdimit në një marrëdhënie.
Autorët shtuan: ‘Supozimi se meshkujt kanë dëshirë seksuale më të lartë sesa gratë në përgjithësi thjesht nuk mbështeten në mënyrë të vazhdueshme nga të dhënat në kontekstin e marrëdhënieve’.
Përgatiti: Brikela Daci | Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
