Studiues nga “Trinity College” në Dublin kanë hedhur një tezë se cilat janë fushat cerebrale të trurit që përfshihen gjatë zhvillimit të lojës së Sudokut.
Për t’iu përgjigjur kësaj teze u bënë disa studime, ku subjektet vullnetare duhej të zgjidhnin skemat e Sudokut, të vështirësive të ndryshme, ndërkohë që funksionimi cerebral monitorohej nëpërmjet teknikave si rezonanca magnetike dhe stimulimi magnetik i kafkës. Testet e bëra mbi një grup vullnetarësh nga mosha 65-94 vjeç kanë nxjerrë në pah një përmirësim të dukshëm në memorien e pjesëmarrësve. Kërkuesit zbuluan se Sudoku dhe lojërat e tjera të tilla stimulojnë kujtesën dhe zgjasin rininë cerebrale të personave mbi 60 vjeç me rreth 14 vjet. Sudoku mund të jetë një zgjidhje reale e problemeve, pasi e mban në stërvitje aktivitetin cerebral, duke garantuar kthjelltësi dhe zotësi mendore. Përfitimet e një stërvitjeje konstante janë veçanërisht në lobin frontal të trurit, duke favorizuar jo vetëm aktivitetin e memories, por dhe funksioneve të tjera të rëndësishme si aftësia organizative, vendimmarrja dhe përqendrimi. Në fakt, ushtrimet gjenerojnë një substancë kimike që stimulon rritjen e celulave të reja dhe lidhjeve cerebrale, duke favorizuar fluksin e enëve të gjakut në tru dhe përmirësuar edhe humorin.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
