22 marsi është ditë e shënuar në kalendarin e fesë bektashiane. Qe herët në mëngjes besimtarët kanë nisur kremtimin e festës së Sulltan Nevrusit. Para se ti drejtoheshin kulteve fetare, bektashinjtë kanë kryer ritet ne shtëpitë e tyre.
Veç pulës ose gjelit të prerë për mbarësi, zonjat gatuajnë byrekun tipik të ditës së Sulltan Nevruzit. Gjellës se byrekut me shumëllojshmëri barishtesh i hidhet edhe një lek monedhe. Personit që i bie gjatë drekës, konsiderohet me fat për këtë vit.
Dita e Sulltan Nevruzit shënon edhe ditëlindjen e Imam Aliut. Kjo festë njihet si dita e rilindjes së madhe, ku besimtarët luten dhe shpresojnë për një të ardhme më të mirë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
