Sulmi i panikut përfaqëson një episod të frikës së papritur. Kjo frikë është e lidhur me ankthin. Është një çrregullim shumë i zakonshëm. Sulmi i panikut është si një ndikim i shpirtit në të cilin ky i fundit duke përjetuar dhimbje, shkakton një reagim të fortë. Këto manifestime kanë nevojë për terapi të përbëra nga fjalë, siguri, një këshillues për të na ndihmuar të kuptojmë se çfarë na bën të vuajmë.
Zakonisht sulmi i panikut shprehet me frikën se shqetësimi që ndiejmë në atë moment do të na bëjë të vdesim. Në realitet, kjo frikë e papritur mund të fshehë dhimbje të tilla si vdekja e një personi, humbja e dikujt që ishte shtylla e jetës sonë. Prandaj është e nevojshme të njohim sulmin e panikut dhe të dimë se si ta zbusim atë.
Si manifestohet
Zakonisht manifestohet me dridhje, dhimbje gjoksi, rrahje zemre, marramendje dhe djersitje të papritur. Klinikisht, në një sulm paniku, trupi fillon të lëshojë adrenalinën, duhen disa minuta që gjëndrat e veshkave të fillojnë ta prodhojnë atë. Është e nevojshme të dini disa gjëra për ta luftuar këtë gjendje. Gjithmonë jini të vetëdijshëm se ky shqetësim është momental, merrni frymë dhe përsëritni se gjithçka do të shkojë mirë. Tregojini vetes se asgjë nga gjithçka që po imagjinojmë nuk do të ndodhë dhe se nuk do të humbasim kontrollin e vetvetes. Nëse trupi është në gjendje të relaksohet, ankthi do të ulet dhe ne do të ndihemi menjëherë më mirë.
Nëse jeni me dikë që vuan nga sulmet e panikut, së pari duhet t’i siguroni. Qëllimi kryesor është të punojmë me frymëmarrjen në mënyrë që rrahjet e zemrës të kthehen në normalitet. Prandaj është e rëndësishme të njohësh sulmin e panikut dhe të dish ta zbusësh atë.
Si zgjidhet?
Është e nevojshme të gjesh një mentor, një psikolog që mund të lirojë dhimbjen që qëndron pas kësaj frike që zgjerohet papritur. Është e dobishme të flasim për gjithçka me personin që kemi zgjedhur për të na ndihmuar. Gjithçka që përfaqëson jetën tonë të përditshme, ajo dhimbje që ne e fshehim aq mirë, mund të jetë kudo, brenda nesh.
Burimi / https://www.proiezionidiborsa.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
