Pas një pune 12 vjeçare për ndërtimin e tij dhe me një financim që kap shifrën e miliona dollarëve, tashmë kompjuteri gjigant i projektuar për të imituar trurin e njeriut më në fund është gati për t’u ndezur.
Ndërtuar nga Universiteti i Mançesterit, makina SpiNNaker përbëhet nga një milion përpunues të aftë për 200 trilionë veprime për sekondë – që do të thotë se mund të modelojë më shumë neuronë biologjikë në kohë reale sesa çdo makineri tjetër e ndërtuar ndonjëherë.
Ndryshe nga kompjuterat tradicionalë, ai nuk komunikon duke dërguar sasi të mëdha informacioni nga pika A në pikën B nëpërmjet një rrjeti standard. Në vend të kësaj, ai imiton arkitekturën paralele të komunikimit të trurit duke dërguar sasi të vogla të informacionit në destinacione të ndryshme në të njëjtën kohë.
“Ne kemi krijuar në thelb një makinë që punon më shumë si truri sesa një kompjuter tradicional, gjë që është jashtëzakonisht emocionuese”, tha Steve Furber, profesor i inxhinierisë kompjuterike në Universitetin e Mançesterit.
“Objektivi përfundimtar i projektit ka qenë gjithmonë një milion cores në një kompjuter të vetëm për aplikimet për modelimin e trurit në kohë reale dhe ne e kemi arritur atë, gjë që është shumë fantastike”.
I shkurtër për Spiking Neural Network Architecture, SpiNNaker është hapi i parë drejt krijimit të një modeli të një miliardë neuroneve biologjike në kohë reale, megjithëse edhe në gjendjen e tij aktuale do të sigurojë një pasqyrë për mënyrën se si funksionon truri i njeriut.
Ky do ta bëjë këtë duke kryer imitime në shkallë të gjerë në kohë reale të rajoneve të ndryshme të trurit, të tilla si Basal Ganglia – një zonë e prekur nga sëmundja e Parkinsonit.
Ai gjithashtu mund të përshtatet për të fuqizuar një robot të inteligjencës artificiale të quajtur SpOmnibot, i cili është i aftë të navigojë dhe të interpretojë objekte në botën reale.
“Neuroshkencëtarët tani mund të përdorin SpiNNaker si ndihmë për të zhbllokuar disa nga sekretet se si truri i njeriut punon duke kryer imitime të njëpasnjëshme në shkallë të gjerë”, tha Profesor Furber. “Ai gjithashtu punon si imitues nervor në kohë reale që lejon robotikët të projektojnë rrjete nervore në shkallë të gjerë në robotë të lëvizshëm në mënyrë që ata të mund të ecin, flasin dhe lëvizin me fleksibilitet dhe fuqi të ulët”.
Burimi / www.msn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
