“U operova, u trajtova me kimioterapi dhe shpëtova”. Ky është mesazhi i një nëne, e cila kur u diagnostikua me kancer gjiri mendoi menjëherë vdekjen, por në fakt, ajo sot u jep kurajë të gjithë grave të prekura, por edhe çdo gruaje apo vajze që të kryejë kontrollet e gjirit.
Kjo sëmundje ka një tendencë të rritet në vendin tonë. Vetëm në 9 muaj të parë të këtij viti janë diagnostikuar 519 raste të reja.
“Është ulur stadi i kapjes së kësaj sëmundje. Nuk vijnë më në stade të avancuara”, shprehet Dhurata Tarifa, mjeke onkologe.
Tetori është muaji i luftës kundër kancerit të gjirit ndaj mjekët u bëjnë thirrje grave dhe vajzave të ndërgjegjësohen për të kryer ekzaminimet e nevojshme.
Gjatë muajit tetor, shërbimi i mamografisë do të jetë falas, nga ora 08:00- 18:00 nga e hëna në të premte dhe 08:00-14:00, të shtunave në Poliklinikën e Specialiteteve numër 3 në Tiranë, në Maternitetin “Mbretëresha Geraldinë”, në QSUT si dhe në 9 spitale rajonale, ku ofrohet ky shërbim.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
