Nga Valentina Telhaj, Psikologe/ Psikoterapiste
Ataku i panikut është një përvojë intensive e ankthit që shfaqet per disa minuta dhe mund të zgjasë mesatarish 4-10 minuta. Në këtë periudhë, ndjenjat e ankthit janë të jashtëzakonshme dhe të papërballueshme, mendime katastrofike dhe shoqërohen me simptoma fizike të ashpra. Këto simptoma mund të përfshijnë:
Valentina Telhaj, psikologe këshillimi, psiko-traumatologe EMDR. psikoterapiste CBT terapiste ABA, Psikologji Ligjore
- Ndjenja e shkëputjes/ ndarjes nga realiteti
- Frymarrje e shpejtë dhe me vështirësi ose marramendje
- Dridhje të trupit
- Djersitje
- Ndjenja sikur po vdes
- Rritje e ritmit të zemrës dhe pulsit të shpejtë
- Tension muskular dhe ndjesi e mundimit të tepërt
- Nënkuptimi i humbjes së kontrollit ose i humbjes së vetes ose të ndërgjegjes
Një atak paniku shpesh paraqitet papritmas dhe pa paralajmërime të mëparshme. Njerëzit që përjetojnë këto atake zakonisht kanë frikë të madhe se do të ndodhë një gjë e tmerrshme, siç është humbja e ndërgjegjes ose do vdesin. Për shkak të natyrës së atakut të panikut, disa njerëz mund të ndiejnë frikë nga vetë fakti i të përjetuarit të një ataku të ri, çka mund të shkaktojë cikël ankthi që prish cilësinë e jetës së tyre, të familjes dhe jo vetëm.
Cilat janë disa nga teknikat për të superuar sulmin e panikut?
1.Zhvendosja e mendimeve negative në diçka produktive: Identifikoni mendimet negative që shkaktojnë panik, ndërpritini ato duke përdorur strategji që t’ju ndihmojnë dhe kanë produktivitet.
2.Teknikat e frymëmarrjes: Përdorni teknika të frymëmarrjes të thellë dhe të qëndrueshme për të ulur stresin dhe tensionin fizik. Frymëmarrja e ndërgjegjshme ndihmon në fokusimin tuaj në tani dhe këtu.
3.Meditimi dhe relaksimi: Përdorni teknika të meditimit dhe të relaksimit për të ndihmuar në zbutjen e tensionit muskular dhe qartësimit të mendjes. Kjo mund të përfshijë vizualizimin e një vendi të qetësisë ose përdorimin e mantrave.
4.Parandalimi dhe ndryshimi i katastrofizmit: Identifikoni tendencën tuaj për të shndërruar situata të zakonshme në katastrofa të mëdha dhe përdorni fakte për të kundërshtuar këto mendime disfunksionale.
5.Teknikat e përqëndrimit: Përdorni përqëndrimin në të tashmen dhe në detaje të ndryshme të situatës aktuale për të ulur vëmendjen nga ankthi.
6.Përdorimi i afirmimeve pozitive: Përdorni afirmime pozitive për të forcuar vetëbesimin dhe për të ndihmuar në menaxhimin e ankthit.
Këto janë vetëm disa prej teknikave të rekomanduara nga APA. Nëse keni ankth apo sulme paniku, konsultimi me një profesionist të shëndetit mendor, psikolog ose psikoterapeut, sepse në shumë raste mjekimet neutralizojnë simptomat, por nuk elaborojnë shkakun prej nga vijnë këto përjetime.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
