Sipas raportit vjetor për stresin, amerikanët që kontrollojnë vazhdimisht emailet e tyre, mesazhet dhe llogaritë që kanë në rrjetet sociale, me shumë gjasa kanë nivele më të larta të stresit.
Nga viti 2005 deri në 2015, përdorimi i rrjeteve sociale është rritur nga 7% në 65 %. Me këtë popullaritet, gjithnjë e më shumë janë rritur dhe problemet. Sipas rezultateve të një sondazhi nga Shoqata Amerikane e Psikologjisë (APA) , u vu re se rreth 4 në 5 të rritur thonin se janë shpesh ose vazhdimisht të lidhur me të paktën një pajisje. Shoqata në fjalë mati nivelin e stresit, bazuar në një shkallë prej 10 pikësh, ku 10 pikë ishin “me pak stres” deri ke 1 me “stres të lartë”.
Ata që kontrollonin vazhdimisht emailin e tyre të punës kishin një nivel më të lartë stresi mesatar prej 6 pikë. Raporti gjithashtu rezultoi se stresi mund të rrjedhë edhe nga ndërveprimet e medieve sociale, siç janë mediumet ku ka diskutime politike dhe kulturore në internet.
Lynn Burka, drejtoreshë ekzekutive e APA për hulumtime praktike dhe politike, tha se: “Sot, pothuajse të gjithë të rriturit kanë të paktën një pajisje elektronike, ku shumë prej tyre janë të lidhur vazhdimisht me to. Ajo që këta individë nuk e konsiderojnë është se, duke qenë vazhdimisht të lidhur pas këtyre pajisjeve, mund të ketë një ndikim negativ në shëndetin tonë fizik dhe mendor”.
Përgatiti G.V
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
