Qamil Gjyrezi, lektor i psikologjisë aplikative dhe terapisë së artit
Terapia muzikore së bashku me neuroshkencën do të luajnë një rol shumë të rëndësishëm në të ardhmen për degën e psikologjisë.
Terapia muzikore moderne studion dhe përdor tre forma shumë efikase të kësaj terapie muzikore. Falë studimeve të mirëfillta shkencore dhe të studimit të muzikës dhe psikologjisë me anë të këtyre metodave trajtohen dhe përmirësohen shumë çrregullime psiko-fizike dhe sëmundje tek individi.
Terapitë më të përdorshme janë:
1.Terapia muzikore dhe imagjinata G.I.M., metoda Helen Boni: “Imagjinata e orientuar me muzikë”.
2.Terapia muzikore e Karl Orfit.
3.Metoda e terapisë muzikore të Nardoff-Robins.
Një prej modeleve shumë të rëndësishme të terapisë muzikore është edhe modeli i quajtur Nordoff-Robbins. Qasja Nordoff-Robbins ndaj terapisë muzikore, e njohur gjithashtu si terapi muzikore krijuese, është zhvilluar nga bashkëpunimi 17-vjeçar i Paul Nordoff dhe Clive Robbins duke filluar në 1958. Terapia muzikore Nordoff-Robbins. U ideua fillimisht si një terapi për fëmijët me aftësi të kufizuara psikologjike, fizike ose zhvillimore. Zhvillimi i saj i hershëm u ndikua nga Rudolph Steiner dhe filozofia dhe mësimet antropozofike.
Mjekësia antropofizike
Mjekësia antropozofike (ose ilaçi antropozofik) është një formë e mjekësisë alternative. Mjekësia antropozofike është ideuar në vitet 1920 nga Rudolf Steiner në bashkëpunim me Ita Wegman. Mjekësia antropozofike bazohet në nocione okulte dhe mbështet në filozofinë shpirtërore të Steiner, të cilën ai e quajti antropozofika. Praktikuesit përdorin një larmi teknikash trajtimi bazuar në porositë antropofizike, duke përfshirë masazhin, ushtrimet fizike, këshillimet dhe substance të ndryshme.
Bazat e terapisë muzikore Nordoff-Robbins.
Terapia muzikore Nordoff-Robbins bazohet në besimin se të gjithë mund t’i përgjigjen muzikës, pavarësisht sa janë të sëmurë ose me aftësi të kufizuara. Ky model terapeutik konstaton se cilësitë unike të muzikës si terapi mund të rrisin komunikimin, të mbështesin ndryshimin dhe t’u mundësojnë njerëzve që të jetojnë më me shkathtësi dhe kreativitet. Ky model është përhapur në SHBA, Australi, Gjermani, Zelandë të Re, Skoci, Afrikën e Jugut dhe Lindja e Largët, Kinë.
Terapia muzikore Nordoff Robbins në Mbretërinë e Bashkuar
Shoqata e terapisë muzikore Nordoff Robbins është një organizatë bamirëse e regjistruar në Mbretërinë e Bashkuar që nuk merr asnjë financim ligjor. Bamirësia drejton qendrën e terapisë muzikore Nordoff Robbins në Londër dhe një numër të projekteve të terapisë muzikore në mbarë vendin. Kjo qendër zhvillon gjithashtu kurse trajnimi pasuniversitare në terapi muzikore dhe një program kërkimor me kurse dhe konferenca shkencore publike.
Terapia muzikore Nordoff Robbins në Sh.B.A.
Terapia muzikore Nordoff Robbins në Sh.B.A. është themeluar nga Dr. Clive Robbins dhe Carol Robbins. Qendra Nordoff-Robbins e Terapisë muzikore në Universitetin e Neë York-ut, Shkolla e Kulturës, Edukimit dhe Zhvillimit njerëzor në Steinhardt, u hap në vitin 1989.
Qendra është e lidhur me Programin e Terapisë Muzikore të Universitetit të New York-ut.
1.Misioni i Qendrës ka gjashtë përbërës kryesorë:
Sigurimi i shërbimeve të terapisë muzikore për fëmijët, adoleshentët dhe të rriturit me një gamë të gjerë të nevojave, aftësive dhe aftësive të kufizuara duke përfshirë çrregullimet e spektrit të autizmit (ASD), çrregullime të sjelljes, vonesa në zhvillim, dëmtime shqisore, të meta të shumta dhe çrregullime psikiatrike. Qendra ofron seanca individuale dhe terapi në grup, dhe gjithashtu ofron shërbime për të rriturit që luftojnë me rrethana të vështira të jetës ose që kërkojnë një formë ekspresive të terapisë në mënyrë që të ndjekin më shumë vetëkuptim.
2.Ofrimi i trajnimit të avancuar të terapisë muzikore.
Qendra ofron tre nivele trajnimi:
- a) punë në terren dhe praktikë për studentët që ndjekin gradë akademike në terapi muzikore;
- b) trajnimime për certifikatën pasuniversitare në terapinë muzikore Nordoff-Robbins; dhe
- c) kurse të arsimit të vazhdueshëm për profesionistët e terapisë muzikore.
3.Kryerja dhe botimi i kërkimeve.
Qendra mban një arkiv të gjerë që përfshin regjistrime dhe dokumentime të veprës të Nordoff dhe Robbins (1959-1976). Arkivi vazhdimisht po zgjerohet dhe azhurnohet nga puna studimore bashkëkohore klinike. Kërkimi i vazhdueshëm në praktikën klinike përqendrohet në rolin e terapisë muzikore improvizuese në adresimin e nevojave të klientëve me zona të ndryshme të aftësisë së kufizuar duke përfshirë çrregullimin e spektrit të autizmit, goditjen në tru dhe dëmtimin e dëgjimit.
4.Paraqitja e leksioneve dhe simpoziumeve për audiencat profesionale.
Dokumentacioni me video i kësaj qedre për seancat e terapisë bën të mundur komunikimin me audiencën profesionale të natyrës dhe dinamikës së procesit krijues të terapisë muzikore. Terapistët dhe studiuesit e qendrës japin leksione në nivel kombëtar dhe ndërkombëtar.
5.Publikimi i materialeve muzikore dhe udhëzuese.
Qendra prodhon materiale audio, video dhe të shtypura që ofrojnë burime muzikore dhe udhëzime në procesin klinik dhe improvizimin.
6.Shpërndarja e informacionit dhe burimeve studimore.
Qendra e lidhur me Programin e Terapisë Muzikore shërben si një burim për terapistët e muzikës, studentët, muzikantët, profesionistët, prindërit, mediat dhe publikun e gjerë. Ajo siguron shërbime konsulente, organizon seminare dhe pret mbi 150 vizitorë në vit. Trajnimi me terapinë muzikore Nordoff-Robbins në Kolegjin Molloy, është themeluar në vitin 2010, është programi më i ri i aprovuar Nordoff-Robbins në SH.B.A.
Programet e trajnimit përfshijnë të gjitha aspektet e punës së Nordoff-Robbins duke përfshirë vlerësimin, kurset arkivore, punën klinike, terapinë muzikore në grup dhe udhëzimet për improvizim klinik.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
