Në një moment të jetës tonë, pothuajse të gjithë takojmë dikë që është krejtësisht i gabuar për ne. Ndoshta dikush që nuk do të njëjtat gjëra që na pëlqejnë, i cili nuk është aq i ndjeshëm, ose që është shumë më i ndjeshëm sesa prisnim, ose që ka një pamje të shëmtuar. Besoj u ndodh të gjithëve? Por çështja është, “pse”?
Ju mund ta klasifikoni atë si fat të keq ose e bindni veten se ka diçka, por e vërteta është se ka një arsye pse shpesh na tërheqin njerëz që janë krejtësisht dhe plotësisht të gabuar për ne.
Shelly Bullard, terapiste martesash dhe familjare, thotë se pjesa më e dëmtuar e jona është ajo që bën zgjedhjen. Kjo është arsyeja pse ne takojmë njerëz “të gabuar”. Bullard beson se të gjithë kemi: “unin e vogël” ose veten e plagosur, egon – dhe “unin shpirtëror” – unin më të lartë, të rritur ose shpirtin. Ajo shpjegon që vetja e dëmtuar është pjesë e jona që ndihet jo e plotë.
Uni i vogël nuk ndihet plotësisht i plotë, ndihet disi i dëmtuar. Ai e sheh unin shpirtëror si veten e tij më të lartë, shpirtin e tij. Është pjesa juaj që lidhet me dashurinë, të vërtetën, mençurinë dhe paqen e brendshme. Uni juaj shpirtëror nuk e vë në dyshim vlerën tuaj. Ai e di sa i sjellshëm dhe i çmuar është. Ne veprojmë çdo ditë në njërën nga këto dy vete. Pikëpamja e egos, ose vetja e vogël, na bën të ndihemi inferiorë, të parëndësishëm dhe madje të pafuqishëm në disa aspekte dhe jemi vazhdimisht në kundërshtim me këtë ndjenjë.
Egoja kërkon mënyra materialiste për të gjetur vërtetimin. Ajo beson se sapo të keni më shumë (para, një punë më të mirë, një partner më të mirë, një shtëpi më të madhe) më në fund do të jeni të lumtur. Kjo nuk është kurrë lumturia, sepse natyra e “Unit” është të ndihet i paplotë. Kur bëhet fjalë për marrëdhëniet romantike, egoja është aktive, sepse në marrëdhënie nëse kapemi më shumë nga dhimbja do të lëndohemi. Kur lëndohemi nga një marrëdhënie, duam ta mbajmë atë me vete dhe nga ana tjetër, të tërheqim njerëz që tregojnë të njëjtën ndjenjë.
Bullard shpjegon: “E pandërgjegjshmja juaj është programuar të tërheqë njerëz që kanë plagët tuaja. Arsyeja për këtë është që ju do të rriteni”.
Ne rishikojmë plagët tona në mënyrë të atillë që të arrijmë procesin e shërimit. Nuk mund të shërojmë gjëra që nuk i ndiejmë ose nuk i shohim. Ne duhet të merremi me ndjenjën e dhimbshme ose të pakëndshme për ta kapërcyer atë. Atëherë, si mund ta thyejmë këtë cikël? Bullard beson se ne duhet të identifikohemi me “unin tonë të lartë”. “Uni” juaj i lartë “është pjesa që e njeh të vërtetën për ju. Ai e di që ju jeni të denjë dhe të fuqishëm, përmes qëllimit të vetes së lartë, ju jeni të plotë.
Ai papritmas do të kuptojë se të gjithë njerëzit “e gabuar” ju kanë ndihmuar që t’iu udhëzojnë në drejtimin e duhur, një gjendje shpirtërore që nuk rrezikon vlerën tuaj. Bullard na nxit të shërojmë marrëdhëniet tona nga brenda, sepse ndonjëherë, asgjë nuk na frymëzon të rritemi më shumë sesa një zemër e thyer.
Burimi / https://italiafeed.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
