Një tërmet i fuqishëm ka vrarë të paktën 280 njerëz dhe ka lënë dhjetëra të plagosur në Afganistan, sipas agjencisë shtetërore të lajmeve të vendit. Fotot tregojnë rrëshqitjet e dheut dhe shtëpitë e rrënuara në provincën lindore të Paktikas, ku ekipet e shpëtimit po përpiqen të trajtojnë të plagosurit.
Në zonat e largëta, helikopterët kanë transportuar viktimat në spitale. Agjencia lokale e lajmeve Bakhtar tha se numri i të vdekurve ka të ngjarë të rritet, duke shtuar se më shumë se 600 njerëz u plagosën. Tërmeti goditi rreth 44 km (27 milje) nga qyteti juglindor i Khost, pak pas orës 01:30 me kohën lokale (21:00 të martën GMT).
“Fatkeqësisht, mbrëmë pati një tërmet të fortë në katër rrethe të provincës Paktika, i cili vrau dhe plagosi qindra bashkatdhetarë tanë dhe shkatërroi dhjetëra shtëpi”, shkroi në Twitter zëdhënësi i qeverisë, Bilal Karimi. “Ne u bëjmë thirrje të gjitha agjencive të ndihmës që të dërgojnë ekipe në zonë menjëherë për të parandaluar katastrofën e mëtejshme.”
Zyrtarët talebanë kanë kërkuar që agjencitë e ndihmës të nxitojnë në zonat e prekura në lindje të vendit. Shumica e viktimave deri më tani ishin në rrethet Gayan dhe Barmal në Paktika, tha një mjek lokal për BBC. Faqja e medias lokale Etilaat-e Roz raportoi se një fshat i tërë në Gayan ishte shkatërruar. Megjithatë, nuk ka pasur raporte të menjëhershme për viktima, dhe tërmeti shkaktoi pak dëme në Pakistan, sipas BBC Urdu.
Përgatiti K.I / Burimi www.bbc.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
