Sipas një studimi shkencor, testet e antitrupave koronavirus janë të saktë pas tre ose katër javësh pasi dikush ka pasur Covid-19.
Ata gjithashtu mund të mos vlejnë për njerëzit që kanë pasur simptoma të lehta të sëmundjes, por studiuesit pranuan se nuk mund të flasin me siguri sepse pothuajse të gjitha studimet janë kryer te pacientët të cilët ishin shumë të sëmurë dhe ishin të shtruar në spital.
Një shkencëtar tha se provat treguan se asnjë nga testet e antitrupave që janë aktualisht në dispozicion nuk janë mjaft të mirë për t’u përdorur jashtë spitaleve. Shqyrtimi prej 300 faqesh, i udhëhequr nga instituti Cochrane dhe Universiteti i Birmingham, analizoi të dhënat nga 54 studime shkencore të testeve të antitrupave të përdorura në 16,000 mostra gjaku.
Testet ekzaminojnë gjakun e njerëzve për të kërkuar antitrupa – substanca të prodhuara nga sistemi imunitar – që tregojnë nëse ata kanë pasur Covid-19 në të kaluarën.
Në Mbretërinë e Bashkuar, testet, të cilat dikur Boris Johnson premtoi se njerëzit do të ishin në gjendje t’i bënin vetë në shtëpi, nuk janë ende të disponueshme. Shkencëtarët ende nuk janë të sigurt se çfarë do të thotë. Në mjekësinë e zakonshme, prania e llojeve të caktuara të antitrupave do të thotë që dikush të mos infektohet përsëri – por ende nuk ka asnjë provë që të mbijetuarit e Covid-19 janë imun.
Profesori Jon Deeks, një ekspert i testeve mjekësore në Universitetin e Birmingham, ishte një nga shkencëtarët e këtij studimi.
Ai tha: ‘Ne kemi analizuar të gjitha të dhënat e disponueshme nga e gjithë bota – duke zbuluar modele që na tregojnë se koha është e rëndësishme për të përdorur këto teste’.
‘Ndërsa këto teste të para të antitrupave Covid-19 tregojnë potencial, veçanërisht kur përdoren tre ose katër javë pas fillimit të simptomave, pothuajse të gjitha të dhënat janë nga pacientët e shtruar në spital, kështu që ne nuk e dimë se sa e identifikojnë ato Covid-19 tek njerëzit me simptoma të buta ose pa simptoma.’
Burimi / https://www.dailymail.co.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
