Humbja e peshës është një shqetësim që prek shumë njerëz, veçanërisht gratë, të cilët mendojnë se kilet shtesë janë një problem që duhet zgjidhur me çdo kusht.
Këshillat për humbjen e peshës janë gjithmonë të vlefshme, veçanërisht kur duhet të humbni dy ose tre kilogramë. Nëse humbja e peshës që duhet të arrini është më e madhe, zgjedhja e duhur është të kontaktoni një nutricionist ose një mjek dietolog, i cili pasi të përshkruajë analizat dhe vlerësimet specifike, do t’iu rekomandojë dietën më të përshtatshme për dobësim.
Por le të zbulojmë tre këshilla të thjeshta që ju ndihmojnë të humbni kilet e grumbulluara gjatë dimrit dhe për të qenë gati të vishni rroba më të lehta.
Tre këshilla për të humbur peshë shpejt
- Reduktoni sheqernat dhe ushqimet me niseshte
Dieta mesdhetare duket se është zgjidhja më e mirë për të ndjekur një mënyrë jetese të shëndetshme, por shumë herë abuzohet me gatimet që kanë si bazë ushqimet me niseshte dhe sheqer. Ulja e konsumit të tyre zvogëlon marrjen e glicemisë, gjithashtu përsa i përket bukës dhe makaronave, zgjedhja e atyre integrale dhe zvogëlimi i sasive të marra do të jetë zgjidhja e duhur për të humbur peshë. Frutat, të cilat janë shumë glicemike, duhet të konsumohen midis vakteve, mbase si një meze e lehtë dhe në sasi të kufizuar.
- Rritni sasitë e perimeve
Konsumojini perimet në të dyja format të papërpunuara dhe të gatuara për drekë dhe darkë, të shoqëruara për shembull me makarona integrale, ose pak bukë integrale. Marrja e fibrave është thelbësore për të ulur nivelin e sheqerit në gjak.
- Rritni aktivitetin fizik
Nëse është e mundur, ndiqni një kurs në palestër ose ecni të paktën gjysmë ore në ditë me një ritëm të shpejtë. Aktiviteti fizik do të jetë ideal për ta bërë metabolizmin aktiv dhe për të humbur peshë shpejt dhe lehtë.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
