Palltot, xhupat apo xhaketat si çdo veshje tjetër, me kalimin e kohës përthithin aroma të ndryshme dhe duhet të lahen. Ne shpesh nuk ndjehemi të sigurt për mënyrën se si të procedojmë, ose nuk duam t’i çojmë ato në lavanderi sepse përtojmë ose nuk duam të shpenzojmë para.
Kështu që ne përfundojmë duke i vendosur ato në dollap, pa i larë. Megjithatë, duke i larë, veshjet tona mund të jetojnë më gjatë dhe na ngrohin më shumë gjatë muajve të dimrit.
Ja disa udhëzime të thjeshta për larjen e një palltoje leshi, një xhakete lëkure ose një xhupi.
Pallto leshi
Nëse keni vendosur të lani pallton tuaj të leshit në makinë larëse, ju duhet të zgjidhni një program “larje me dorë” ose një program specifik “leshi”.
Megjithatë, zgjidhja ideale është larja manuale: mbushni vaskën, ose një enë të madhe, me ujë të ftohtë dhe shtoni në të një gjysmë gote sapuni të lëngët (ose një filxhan sodë buke). Pra, njomeni pallton dhe lëreni në ujë për 10 minuta në mënyrë që të absorbojë përzierjen. Fërkojeni atë shumë butësisht dhe pastaj vendoseni në një vend të thatë dhe të ngrohtë.
Xhaketë lëkure
Artikujt e bërë prej lëkure nuk duhet të vendosen kurrë në makinë larëse! Një sfungjer i zhytur në ujë me sapun të lëngshëm është i mjaftueshëm për të pastruar një xhaketë lëkure. Nëse xhaketa është në lëkurë kamoshi, ju nuk duhet të përdorni sapuni, por vetëm një sfungjer të lagur. Së fundi, thajeni xhaketën larg nga burimet e nxehtësisë.
Xhupat
Për të larë një xhup, zgjidhni një program me 30°, për larje delikate në makinë larëse. Nëse është e mundur, programoni një cikël të dyfishtë të shpëlarjes për të eliminuar çdo detergjent të mbetur. Pasi mbaron larja, shkundni xhupin për të shpërndarë pendët që ndodhen brenda.
A doni të dini një mashtrim?
Pas larjes, vendoseni xhupin në makinën larëse së bashku me 3 topa tenisi dhe vendoseni në centrifugë. Lëvizja e topa brenda makinës larëse do të lëvizë pendët brenda xhupit.
Përgatiti: Brikela Daci | Burimi / www.msn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
