Shenjat e para të dukshme të plakjes janë zakonisht rrudhat dhe lëkura e varur. Elasticiteti i lëkurës tuaj dhe konturet e fytyrës varen nga tonifikimi i muskujve të fytyrës. Këta muskuj kanë nevojë për stërvitje po aq sa pjesa tjetër e trupit.
Bright Side ndan me ju ushtrimet më efektive të fytyrës që sipas mjekëve ndihmojnë për ta mbajtur fytyrën tuaj të tonifikuar dhe rinore.
Ngrohni muskujt
Para së gjithash, duhet të ngrohni muskujt e fytyrës. Qëndroni në këmbë ose ulur, duke mbajtur shpinën drejt. Tani përpiquni të këndoni zanore të ndryshme për aq kohë sa mundeni. Këndimi “I”, “O”, “E” dhe “A” zakonisht funksionon më së miri. Vazhdoni ta bëni këtë ushtrim derisa të ndjeni se e gjithë fytyra juaj është e ngrohtë.
Nr. 8
Uluni dhe anoni kokën mbrapa. Tani imagjinoni se duhet të arrini tavanin me buzën tuaj të poshtme. Nxirrni buzën e poshtme aq sa mundeni dhe mbajeni për 5-10 sekonda. Pastaj bëni një pushim të shkurtër dhe përsëriteni 2-3 herë.
Nr. 7
Kryqëzoni krahët mbi gjoks dhe ngadalë ngrini mjekrën duke qëndruar drejt. Sapo të arrini kufirin tuaj, merrni frymë thellë dhe numëroni deri në 10 ose 15. Pastaj ngadalë kthehuni në pozicionin fillestar.
Nr.6
Ky ushtrim është shumë i thjeshtë, por shumë efektiv. Ndihmon për të zvogëluar rrezikun e humbjes së elasticitetit në faqet tuaja. Sigurohuni që gjatë këtij ushtrimi ta mbani kokën drejt. Tërhiqni cepat e buzëve poshtë dhe kthehuni në pozicionin fillestar. Përsëriteni të paktën 5 herë, derisa të ndjeni pak tension në muskujt tuaj.
Nr. 5
Uluni drejt dhe mbani një laps me buzët tuaja të shtrënguara. Tani përpiquni të shkruani emrin tuaj në ajër pa lëvizur kokën. Vazhdoni ta bëni këtë ushtrim për të paktën 3 minuta. Pastaj bëni një pushim të shkurtër dhe përsëriteni disa herë.
Nr. 4
Ky ushtrim është i shkëlqyeshëm për muskujt tuaj të qafës. Ndihmon në tonifikimin e muskujve tuaj rreth fytyrës. Anoni kokën në të djathtë, duke u përpjekur të arrini shpatullën me veshin tuaj. Shtypni dorën tuaj të djathtë në anën e djathtë të kokës, ndërsa rezistoni me kokën dhe qafën. Mbajeni për 10 sekonda dhe përsëriteni për anën tjetër.
Nr. 3
Merrni frymë thellë, mbyllni buzët fort dhe thithni një grykë ajri. Vendosni duart në faqe në mënyrë që gishtat të mbulojnë veshët. Tani filloni të shtyheni në faqet tuaja, duke krijuar rezistencë me muskujt tuaj. Mbajeni për 5-10 sekonda. Pastaj bëni një pushim të shkurtër dhe përsëriteni 5-6 herë.
Nr. 2
Hapni gojën dhe mbuloni dhëmbët me buzët tuaja. Tani lëviz nofullën e poshtme dhe shtyni mjekrën. Mundohuni t’i rezistoni gishtit tuaj me muskujt e fytyrës ndërsa tkurreni dhe relaksoheni. Përsëriteni 10 herë.
Nr. 1
Ky është ushtrimi i fundit dhe më i vështiri që ndihmon në forcimin e muskujve tuaj të nofullës, si dhe muskujve nën gjuhën tuaj. Vendosni të dy grushtet nën mjekër dhe shtypni gjuhën në pjesën e poshtme të gojës (pranë dhëmbëve të poshtëm). Shtyjeni mjekrën lart me grushta, ndërsa i rezistoni këtij presioni me gjuhë. Mbajeni për 30 sekonda. Bëni një pushim të shkurtër dhe përsëriteni 10 herë.
Burimi / https://brightside.me/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
